19.18C Vancouver 19.18C VancouverJan 11, 2022 8:23 PM - The Canadian Press
ਕਿਊਬੈਕ ਦੇ ਪ੍ਰੀਮਿਅਰ ਫ੍ਰਾਂਸੂਆ ਲੈਗੌਲਟ ਵੱਲੋਂ ਅਨਵੈਕਸੀਨੇਟਿਡ ਲੋਕਾਂ 'ਤੇ ਵਿੱਤੀ ਪੈਨਲਟੀ ਲਗਾਉਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਪ੍ਰੀਮਿਅਰ ਦਾ ਕਹਿਣਾ ਹੈ ਕਿ ਸੂਬੇ ਦੇ ਜਿਹੜੇ ਲੋਕ ਵੈਕਸੀਨ ਹਾਸਿਲ ਕਰਨ ਤੋਂ ਇਨਕਾਰ ਕਰਦੇ ਹਨ, ਉਨ੍ਹਾਂ 'ਤੇ ਵਧੇਰੇ ਟੈਕਸ ਲਗਾਏ ਜਾ ਸਕਦੇ ਹਨ।
ਮੌਂਟਰੀਅਲ 'ਚ ਗੱਲਬਾਤ ਕਰਦੇ ਹੋਏ ਫ੍ਰਾਂਸੂਆ ਲੈਗੌਲਟ ਨੇ ਇਸ ਸੰਬੰਧੀ ਜਾਣਕਾਰੀ ਦਿੱਤੀ।
ਹਾਲਾਂਕਿ ਅਜਿਹਾ ਉਨ੍ਹਾਂ ਐਡਲਟ ਲੋਕਾਂ ਲਈ ਲਾਗੂ ਹੋਵੇਗਾ ਜੋ ਕਿ ਕਿਸੇ ਮੈਡਿਕਲ ਐਗਜੈਂਪਸ਼ਨ ਤਹਿਤ ਕਵਾਲੀਫਾਈ ਨਹੀਂ ਕਰਦੇ ਹਨ।
ਲੈਗੌਲਟ ਨੇ ਇਹ ਵੀ ਕਿਹਾ ਕਿ ਪੈਨਲਟੀ ਦੀ ਅਮਾਉਂਟ ਫਿਲਹਾਲ ਤੈਅ ਨਹੀਂ ਕੀਤੀ ਗਈ ਹੈ, ਪਰ ਉਨ੍ਹਾਂ ਕਿਹਾ ਕਿ ਇਹ ਪੈਨਲਟੀ 'ਭਾਰੀ' ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਸੂਬੇ ਦੇ ਕਰੀਬ 10% ਐਡਲਟ ਲੋਕ ਅਨਵੈਕਸੀਨੇਟਿਡ ਹਨ।
ਉਨ੍ਹਾਂ ਨਾਲ ਹੀ ਕਿਹਾ ਕਿ ਸੂਬੇ 'ਚ ਆਈ.ਸੀ.ਯੂ. 'ਚ ਦਾਖਲ ਮਰੀਜਾਂ 'ਚ 50% ਦੇ ਕਰੀਬ ਗਿਣਤੀ ਅਨਵੈਕਸੀਨੇਟਿਡ ਲੋਕਾਂ ਦੀ ਹੈ।
ਯਾਦ ਰਹੇ ਅੱਜ ਕਿਊਬੈਕ ਚ 62 ਵਾਇਰਸ ਪੀੜਤਾਂ ਦੀ ਮੌਤ ਰਿਪੋਰਟ ਹੋਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 12,028 ਤਕ ਪਹੁੰਚ ਗਈ ਹੈ।
