12.28C Vancouver 12.28C VancouverNov 1, 2023 7:29 PM - The Canadian Press
ਮਾਂਟਰੀਅਲ ਦੀ ਕਨਕੋਰਡੀਆ ਯੂਨੀਵਰਸਿਟੀ ਨੇ ਟਿਊਸ਼ਨ ਫ਼ੀਸ ਨੂੰ ਦੁੱਗਣਾ ਕਰਨ ਦੀ ਯੋਜਨਾ ਨੂੰ ਲੈ ਕੇ ਪੈਣ ਵਾਲੇ ਮਾੜੇ ਪ੍ਰਭਾਵ ਸਾਂਝੇ ਕੀਤੇ ਨੇ।
ਯੂਨੀਵਰਸਿਟੀ ਦੇ ਪ੍ਰਧਾਨ ਗ੍ਰਾਹਮ ਕਾਰ ਨੇ ਕਨਕੋਰਡੀਆ ਭਾਈਚਾਰੇ ਨੂੰ ਇੱਕ ਸੰਦੇਸ਼ ਵਿੱਚ ਕਿਹਾ ਕਿ ਸੂਬੇ ਤੋਂ ਬਾਹਰ ਦੇ ਕੈਨੇਡੀਅਨ ਵਿਦਿਆਰਥੀਆਂ ਲਈ $17,000 ਦੀ ਨਵੀਂ ਟਿਊਸ਼ਨ ਫੀਸ ਉਨ੍ਹਾਂ ਦੇ ਬਜਟ ਤੋਂ ਬਾਹਰ ਹੋਵੇਗੀ।
ਯੂਨੀਵਰਸਿਟੀ ਨੂੰ ਉਮੀਦ ਹੈ ਕਿ ਸੂਬੇ ਤੋਂ ਬਾਹਰ ਅੰਡਰਗ੍ਰੈਜੁਏਟ ਰਜਿਸਟ੍ਰੇਸ਼ਨ 65 ਅਤੇ 90 ਪ੍ਰਤੀਸ਼ਤ ਦੇ ਵਿਚਕਾਰ ਘਟੇਗੀ, ਜਿਸਦੇ ਨਤੀਜੇ ਵਜੋਂ ਚਾਰ ਸਾਲਾਂ ਵਿੱਚ ਸਾਲਾਨਾ ਆਮਦਨ ਵਿੱਚ $32 ਮਿਲੀਅਨ ਤੱਕ ਦੀ ਗਿਰਾਵਟ ਆਵੇਗੀ।
ਕਾਰ ਦਾ ਕਹਿਣਾ ਹੈ ਕਿ ਟਿਊਸ਼ਨ ਵਾਧੇ ਦੇ ਪੂਰੇ ਵਿੱਤੀ ਪ੍ਰਭਾਵ ਨੂੰ ਮਾਪਣ ਲਈ ਇੱਕ ਪ੍ਰੋਗਰਾਮ-ਦਰ-ਪ੍ਰੋਗਰਾਮ ਵਿਸ਼ਲੇਸ਼ਣ ਜਾਰੀ ਹੈ।
ਜ਼ਿਕਰਯੋਗ ਹੈ ਕਿ ਕਿਊਬੈਕ ਤੋਂ ਬਾਹਰ ਕੈਨੇਡੀਅਨਾਂ ਲਈ ਟਿਊਸ਼ਨ ਫੀਸ 2024 ਦੀ ਸ਼ੁਰੂਆਤ ਵਿੱਚ $8,992 ਤੋਂ ਵੱਧ ਕੇ $17,000 ਹੋ ਜਾਵੇਗੀ, ਜਦੋਂ ਕਿ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਲਈ ਇਹ ਫ਼ੀਸ $20,000 ਹੋਵੇਗੀ।
ਸੂਬੇ ਤੋਂ ਬਾਹਰ ਦੇ ਵਿਦਿਆਰਥੀਆਂ ਲਈ ਟਿਊਸ਼ਨ ਫੀਸ ਦੁੱਗਣਾ ਕਰਨ ਦੀ ਕਿਊਬੈਕ ਸਰਕਾਰ ਦੀ ਯੋਜਨਾ ਦੀ ਜੰਮ ਕੇ ਨਿੰਦਾ ਹੋ ਰਹੀ ਹੈ।
