12.36C Vancouver 12.36C VancouverJul 10, 2025 10:40 AM - The Canadian Press
ਕਿਊਬੈਕ ਨੇ ਪ੍ਰਵਾਸੀਆਂ ਦੀਆਂ ਸਪਾਂਸਰਸ਼ਿਪ ਅਰਜ਼ੀਆਂ ਸਵਿਕਾਰ ਕਰਨੀਆਂ ਬੰਦ ਕਰ ਦਿੱਤੀਆਂ ਹਨ,ਜਿਸ ਰਾਹੀਂ ਉਹ ਆਪਣੇ ਜੀਵਨ ਸਾਥੀ,ਕਾਮਨ-ਲਾਅ ਪਾਰਟਨਰ ਜਾਂ ਬੱਚਿਆਂ ਨੂੰ ਕੈਨੇਡਾ ਵਿਚ ਸੱਦ ਸਕਦੇ ਸਨ। ਕਿਊਬੈਕ ਦੇ ਇਮੀਗ੍ਰੇਸ਼ਨ ਮੰਤਰਾਲਾ ਨੇ ਇੱਕ ਨਿਊਜ਼ ਰਿਲੀਜ਼ ਵਿਚ ਕਿਹਾ ਕਿ ਪਰਿਵਾਰਕ ਪੁਨਰ ਏਕੀਕਰਨ ਸਪਾਂਸਰਸ਼ਿਪ ਦਾ ਕੋਟਾ ਪੂਰਾ ਹੋ ਗਿਆ ਹੈ।
ਹੁਣ ਪ੍ਰਵਾਸੀਆਂ ਨੂੰ ਨਵੀਂ ਸਪਾਂਸਰਸ਼ਿਪ ਸ਼ੁਰੂ ਹੋਣ ਲਈ 25 ਜੂਨ 2026 ਤੱਕ ਉਡੀਕ ਕਰਨੀ ਪਵੇਗੀ। ਪਿਛਲੇ ਸਾਲ ਕਿਊਬੈਕ ਨੇ ਪਰਿਵਾਰਕ ਸਪਾਂਸਰਸ਼ਿਪ ਲਈ 13,000 ਅਰਜ਼ੀਆਂ ਦੀਆਂ ਪ੍ਰਕਿਰਿਆ ਕੀਤੀਆਂ ਸਨ,ਜਦੋਂ ਕਿ 2022 ਵਿਚ 16,500 ਅਤੇ 2023 ਦੇ ਪਹਿਲੇ ਛੇ ਮਹੀਨਿਆਂ ਵਿਚ 10,000 ਦੇ ਕਰੀਬ ਅਰਜ਼ੀਆਂ ਨੂੰ ਮਨਜ਼ੂਰੀ ਦਿੱਤੀ ਗਈ ਸੀ।
ਕਿਊਬੈਕ ਸਰਕਾਰ ਆਪਣੇ ਸਥਾਈ ਇਮੀਗ੍ਰੇਸ਼ਨ ਟੀਚੇ ਨੂੰ ਵੀ ਘਟਾਉਣ ਦੀ ਤਿਆਰੀ ਕਰ ਰਹੀ ਹੈ,ਜੋ ਕਿ ਪ੍ਰਤੀ ਸਾਲ 25,000 ਤੱਕ ਘੱਟ ਹੋ ਸਕਦਾ ਹੈ।
