ਜਸਟਿਨ ਟਰੂਡੋ ਨੇ ਵਿਵਾਦ ਵਿਚ ਘਿਰੇ ਆਪਣੇ ਮੰਤਰੀ ਰੈਂਡੀ ਬੋਇਸਨੌਲਟ ਨੂੰ ਕੈਬਨਿਟ ’ਚੋਂ ਕੀਤਾ ਬਾਹਰ

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਵਿਵਾਦ ਵਿਚ ਘਿਰੇ ਆਪਣੇ ਮੰਤਰੀ ਰੈਂਡੀ ਬੋਇਸਨੌਲਟ ਨੂੰ ਕੈਬਨਿਟ ਤੋਂ ਬਾਹਰ ਕਰ ਦਿੱਤਾ ਹੈ। ਰੈਂਡੀ ਬੋਇਸਨੌਲਟ ਜਦੋਂ ਤੱਕ ਆਪਣੇ ’ਤੇ ਲੱਗੇ ਦੋਸ਼ਾਂ ਤੋਂ ਸਾਫ ਨਹੀਂ ਹੋ ਜਾਂਦੇ ਉਹ ਮੰਤਰੀ ਮੰਡਲ ਵਿਚ ਸ਼ਾਮਲ ਨਹੀਂ ਹੋਣਗੇ।

ਇਸ ਦੇ ਨਾਲ ਹੀ ਉਨ੍ਹਾਂ ਦੇ ਰੁਜ਼ਗਾਰ ਅਤੇ ਕਰਮਚਾਰੀ ਵਿਕਾਸ ਮੰਤਰਾਲੇ ਦੀ ਜ਼ਿੰਮੇਵਾਰੀ ਵੈਟਰਨਜ਼ ਅਫੇਅਰਜ਼ ਮੰਤਰੀ ਜਿਨੇਟ ਪੇਟੀਪਾਸ ਟੇਲਰ ਨੂੰ ਸੌਂਪ ਦਿੱਤੀ ਗਈ ਹੈ। ਬੋਇਸਨੌਲਟ ਦੀ ਕੈਬਨਿਟ ਵਿਚੋਂ ਛੁੱਟੀ ਉਨ੍ਹਾਂ ਦੀ ਕੰਪਨੀ ਨਾਲ ਜੁੜੇ ਵਿਵਾਦ ਅਤੇ ਉਨ੍ਹਾਂ ਵਲੋਂ ਖੁਦ ਦੇ ਮੂਲ ਵਾਸੀ ਬੈਕਗ੍ਰਾਊਂਡ ਤੋਂ ਹੋਣ ਦੇ ਕੀਤੇ ਗਏ ਝੂਠੇ ਦਾਅਵੇ ਵਿਚਕਾਰ ਹੋਈ ਹੈ।