18.19C Vancouver 18.19C VancouverJun 23, 2021 7:21 PM -
ਦੱਖਣੀ ਵੈਨਕੂਵਰ ਆਈਲੈਂਡ 'ਤੇ 'ਓਲਡ ਗ੍ਰੋਥ ਲੌਗਿੰਗ' ਦੇ ਵਿਰੋਧੀਆਂ ਵੱਲੋਂ ਕੀਤੇ ਜਾ ਰਹੇ ਪ੍ਰਦਰਸ਼ਨਾਂ ਦੇ ਚਲਦਿਆਂ 11 ਹੋਰ ਗ੍ਰਿਫਤਾਰੀਆਂ ਕੀਤੀਆਂ ਗਈਆਂ ਹਨ।
ਇਹ ਗ੍ਰਿਫਤਾਰੀਆਂ ਮੰਗਲਵਾਰ ਨੂੰ ਹੋਈਆਂ ਹਨ।
ਪੋਰਟ ਰੈਨਫਰਿਉ ਦੇ ਕੋਲ ਇਨਜੰਕਸ਼ਨ ਦੀ ਪਾਲਣਾ ਨਾ ਕਰਨ ਦੇ ਚਲਦਿਆਂ ਇਹ ਲੋਕ ਗ੍ਰਿਫਤਾਰ ਕੀਤੇ ਗਏ ਹਨ।
ਸਾਰੇ ਲੋਕਾਂ 'ਤੇ ਇਨਜੰਕਸ਼ਨ ਦੇ ਬ੍ਰੀਚ ਦੇ ਇਲਜ਼ਾਮ ਲੱਗੇ ਹਨ।
ਯਾਦ ਰਹੇ ਇਹ ਇਨਜੰਕਸ਼ਨ ਲਾਗੂ ਕਰਨ ਦੀ ਪ੍ਰੀਕਿਰਿਆ 17 ਮਈ ਤੋਂ ਜਾਰੀ ਹੈ ਪੂਰੇ ਮਾਮਲੇ 'ਚ ਹੁਣ ਤਕ 271 ਲੋਕਾਂ ਦੀ ਗ੍ਰਿਫਤਾਰੀ ਹੋ ਚੁੱਕੀ ਹੈ।
ਇਸ 'ਚ ਘਟੋ-ਘੱਟ 10 ਲੋਕ ਅਜਿਹੇ ਹਨ ਜਿੰਨਾ ਨੂੰ ਇੱਕ ਤੋਂ ਵਧੇਰੀ ਵਾਰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਨਜੰਕਸ਼ਨ ਨੂੰ ਤੋੜਨ ਦੇ ਮਾਮਲੇ ਦੇ ਦੋਸ਼ 219 ਲੋਕਾਂ 'ਤੇ ਲਗਾਏ ਗਏ ਹਨ ਜਦਕਿ 46 ਲੋਕਾਂ 'ਤੇ ਅੜਿੱਕੇ ਪੇਸ਼ ਕਰਨ ਅਤੇ ਸ਼ਰਾਰਤ ਦੇ ਦੋਸ਼ ਲੱਗੇ ਹਨ, ਇੱਕ ਵਿਅਕਤੀ 'ਤੇ ਗ੍ਰਿਫਤਾਰੀ ਤੋਂ ਬਚਾਅ ਦੀ ਕੋਸ਼ਿਸ਼ ਅਤੇ ਇੱਕ 'ਤੇ ਪੁਲਿਸ 'ਤੇ ਹਮਲੇ ਦੇ ਦੋਸ਼ ਲੱਗੇ ਹਨ।
