14.28C Vancouver 14.28C VancouverSep 4, 2025 12:35 PM - The Canadian Press
ਸਸਕੈਚਵਨ ਵਿਚ ਆਰ.ਸੀ.ਐਮ.ਪੀ. ਨੇ ਆਪਣੇ-ਆਪ ਨੂੰ 'ਕੈਨੇਡਾ ਦੀ ਰਾਣੀ' ਕਹਿਣ ਵਾਲੀ ਰੋਮਾਨਾ ਡਿਡੂਲੋ ਨੂੰ ਉਸ ਦੇ 16 ਫੋਲੋਅਰਜ਼ ਨਾਲ ਗ੍ਰਿਫ਼ਤਾਰ ਕੀਤਾ ਹੈ। ਡਿਡੂਲੋ ਇੱਕ conspiracy theorist ਹੈ। ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਰਿਚਮੰਡ ਵਿਚ ਬੰਦ ਕੀਤੇ ਗਏ ਇੱਕ ਨਿੱਜੀ ਸਕੂਲ ਦੇ ਅੰਦਰ ਕਿਸੇ ਵਿਅਕਤੀ ਕੋਲ ਗੰਨ ਹੋਣ ਦੀ ਰਿਪੋਰਟ ਮਿਲੀ ਸੀ। ਛਾਪੇਮਾਰੀ ਦੌਰਾਨ ਦਰਜਨ ਤੋਂ ਵੱਧ ਲੋਕਾਂ ਦੀ ਗ੍ਰਿਫਤਾਰੀ ਕੀਤੀ ਗਈ,ਜਿਸ ਵਿਚ 11 ਔਰਤਾਂ ਅਤੇ ਪੰਜ ਆਦਮੀ ਸਨ।
ਸਸਕੈਚਵਨ ਆਰ.ਸੀ.ਐਮ.ਪੀ.ਦੀ ਇੰਸਪੈਕਟਰ ਐਸ਼ਲੇ ਸੇਂਟ ਜਰਮੇਨ ਨੇ ਕਿਹਾ ਕਿ ਪੁਲਿਸ ਨੂੰ ਮੌਕੇ ਤੋਂ 4 ਰੈਪਲਿਕਾ ਹੈਂਡਗੰਨ ਮਿਲੀਆਂ ਜੋ ਜ਼ਬਤ ਕੀਤੀਆਂ ਗਈਆਂ। ਆਰ.ਸੀ.ਐਮ.ਪੀ.ਦਾ ਕਹਿਣਾ ਸੀ ਕਿ ਇਸ ਸਮੇਂ ਕਿਸੇ 'ਤੇ ਦੋਸ਼ ਨਹੀਂ ਲਗਾਇਆ ਗਿਆ ਪਰ ਬੁੱਧਵਾਰ ਤੱਕ ਸਾਰੇ ਹਿਰਾਸਤ ਵਿਚ ਸਨ।
ਗੌਰਤਲਬ ਹੈ ਕਿ ਡਿਡੂਲੋ ਬਚਪਨ ਵਿਚ ਫਿਲੀਪੀਨਜ਼ ਤੋਂ ਕੈਨੇਡਾ ਆਈ ਸੀ। 2020 ਵਿਚ ਉਸ ਨੇ ਇੱਕ ਗੈਰ-ਰਜਿਸਟਰਡ ਪਾਰਟੀ ਦਾ ਗਠਨ ਕਰਦੇ ਹੋਏ ਆਪਣੇ ਆਪ ਨੂੰ 'ਕੁਈਨ ਆਫ ਕੈਨੇਡਾ'ਘੋਸ਼ਿਤ ਕੀਤਾ ਸੀ। ਡਿਡੂਲੋ ਦੇ ਟੈਲੀਗ੍ਰਾਮ ਵਰਗੇ ਮੈਸੇਜਿੰਗ ਐਪਸ 'ਤੇ ਹਜ਼ਾਰਾਂ ਫਾਲੋਅਰਜ਼ ਹਨ,ਜਿੱਥੇ ਉਹ ਫਰਮਾਨ ਜਾਰੀ ਕਰਦੀ ਹੈ।
