10.89C Vancouver 10.89C VancouverJul 3, 2025 4:57 PM - Connect Newsroom
ਬੀ.ਸੀ. ਦੀ ਸਨਸ਼ਾਈਨ ਕੋਸਟ ਆਰਸੀਐਮਪੀ ਨੇ ਇੱਕ ਰੋਮਾਂਸ ਘਪਲੇ ਦਾ ਪਰਦਾਫਾਸ਼ ਕਰਦੇ ਹੋਏ 53 ਸਾਲਾ ਸ਼ੱਕੀ ਨੂੰ ਗ੍ਰਿਫਤਾਰ ਕੀਤਾ ਹੈ।
ਪੁਲਿਸ ਨੇ ਕਿਹਾ ਕਿ ਉਹ ਜੂਨ 2023 ਤੋਂ ਇੱਕ ਜਾਂਚ ਵਿਚ ਜੁਟੀ ਹੋਈ ਸੀ, ਜਿਸ ਵਿਚ ਇੱਕ ਔਰਤ ਨੇ ਰਿਪੋਰਟ ਕੀਤੀ ਕਿ ਉਹ ਆਨਲਾਈਨ ਇੱਕ ਆਦਮੀ ਨੂੰ ਮਿਲੀ, ਕਈ ਮਹੀਨਿਆਂ ਦੌਰਾਨ ਉਨ੍ਹਾਂ ਵਿਚ ਗੱਲਬਾਤ ਹੁੰਦੀ ਰਹੀ ਅਤੇ ਜਦੋਂ ਮਾਈਕਲ ਪਾਲ ਸਨੋ ਨਾਂ ਦਾ ਸ਼ਖਸ ਉਸ ਦਾ ਵਿਸ਼ਵਾਸ ਜਿੱਤ ਚੁੱਕਾ ਸੀ ਤਾਂ ਉਸ ਨੇ ਉਸ ਨੂੰ ਇੱਕ ਅਜਿਹੇ ਕਾਰੋਬਾਰ ਵਿਚ ਪਾਰਟੀਸਪੇਟ ਕਰਨ ਲਈ ਮਨਾਇਆ ਜੋ ਬਾਅਦ ਵਿਚ ਔਰਤ ਨੂੰ ਪਤਾ ਲੱਗਾ ਕਿ ਅਜਿਹਾ ਕੋਈ ਬਿਜ਼ਨੈਸ ਹੈ ਹੀ ਨਹੀਂ ਸੀ। ਪਾਲ ਸਨੋ ਨੇ ਉਸ ਨੂੰ ਝਾਂਸੇ ਵਿਚ ਲੈ ਕੇ $110,000 ਦਾ ਫਰਾਡ ਕੀਤਾ।
ਆਰਸੀਐਮਪੀ ਨੇ ਕਿਹਾ ਕਿ ਉਸ ਨੇ ਮਾਈਕਲ ਪਾਲ ਸਨੋ ਲਈ ਕੈਨੇਡਾ-ਵਿਆਪੀ ਵਾਰੰਟ ਜਾਰੀ ਕੀਤਾ ਸੀ। 24 ਜੂਨ ਨੂੰ ਉਸ ਨੂੰ ਸਸਕੈਚਵਨ ਦੀ ਮੈਪਲ ਕਰੀਕ ਆਰਸੀਐਮਪੀ ਨੇ ਹਿਰਾਸਤ ਵਿਚ ਲਿਆ, ਜਿਸ ਨੂੰ ਸਨਸ਼ਾਈਨ ਕੋਸਟ ਦੀ ਸੇਚੇਲਟ ਕੋਰਟ ਵਿਚ 13 ਅਗਸਤ ਨੂੰ ਪੇਸ਼ ਕੀਤਾ ਜਾਵੇਗਾ ਅਤੇ ਮੌਜੂਦਾ ਸਮੇਂ ਉਹ ਹਿਰਾਸਤ ਵਿਚ ਨਹੀਂ ਹੈ।
