ਸੈਂਟਰਲ ਐਲਬਰਟਾ ਵਿਚ ਵਿਅਕਤੀ ਦੇ ਕਤਲ ਮਾਮਲੇ ’ਚ ਪੁਲਿਸ ਨੇ ਸ਼ੱਕੀ ਨੂੰ ਕੀਤਾ ਚਾਰਜ

ਸੈਂਟਰਲ ਐਲਬਰਟਾ ਵਿਚ ਇਕ ਵਿਅਕਤੀ ਦੇ ਕਤਲ ਮਾਮਲੇ ਵਿਚ ਪੁਲਿਸ ਨੇ 18 ਸਾਲਾ ਸ਼ੱਕੀ ਨੂੰ ਦੂਜੇ ਦਰਜੇ ਦੇ ਕਤਲ ਦੇ ਦੋਸ਼ ਵਿਚ ਚਾਰਜ ਕੀਤਾ ਹੈ। ਪੁਲਿਸ ਮੁਤਾਬਕ ਉਨ੍ਹਾਂ ਨੂੰ ਸ਼ਨੀਵਾਰ ਡਾਊਨਟਾਊਨ ਰੈਡ ਡੀਅਰ ਨੇੜਲੀ ਸਟਰੀਟ ਵਿਚ ਇਕ ਵਿਅਕਤੀ ਦੇ ਜ਼ਖਮੀ ਹੋਣ ਬਾਰੇ ਖਬਰ ਮਿਲੀ ਸੀ। ਜਦ ਔਫੀਸਰਜ਼ ਉੱਥੇ ਪੁੱਜੇ ਤਾਂ ਵਿਅਕਤੀ ਲਹੂ-ਲੁਹਾਣ ਸੀ ਅਤੇ ਥੋੜ੍ਹੀ ਦੇਰ ਬਾਅਦ ਉਸ ਨੇ ਦਮ ਤੋੜ ਦਿੱਤਾ।

ਉਸ ਦੀ ਪਛਾਣ 43 ਸਾਲਾ ਐਂਥਨੀ ਸਪਿਲਰ ਵਜੋਂ ਹੋਈ ਹੈ ਜੋ ਰੈੱਡ ਡੀਅਰ ਦਾ ਰਹਿਣ ਵਾਲਾ ਸੀ। ਪੁਲਿਸ ਨੇ ਨੇੜਿਓਂ ਹੀ ਸ਼ੱਕੀ ਨੂੰ ਹਿਰਾਸਤ ਵਿਚ ਲੈ ਲਿਆ ਸੀ। ਉਸ ਨੂੰ ਫਿਲਹਾਲ ਹਿਰਾਸਤ ਵਿਚ ਰੱਖਿਆ ਗਿਆ ਹੈ ਅਤੇ ਅਗਲੇ ਹਫਤੇ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ।