11.21C Vancouver 11.21C VancouverSep 23, 2021 7:30 PM -
ਆਰ.ਸੀ.ਐਮ.ਪੀ. ਨੇ ਜਾਣਕਾਰੀ ਦਿੱਤੀ ਹੈ ਕਿ ਐਸ.ਐਨ.ਸੀ. ਲੈਵਲਿਨ ਦੇ 2 ਸਾਬਕਾ ਐਗਜ਼ੀਕਿਊਟਿਵਸ 'ਤੇ ਦੋਸ਼ ਤੈਅ ਕੀਤੇ ਗਏ ਹਨ।
ਇਸ ਤੋਂ ਇਲਾਵਾ ਇੰਜੀਨੀਅਰਿੰਗ ਕੰਪਨੀ 'ਤੇ ਵੀ ਦੋਸ਼ ਲਗਾਏ ਗਏ ਹਨ।
ਮੌਂਟਰੀਅਲ ਦੇ ਇੱਕ ਪੁਲ ਦੀ ਮਰੱਮਤ ਦੇ ਕੰਟਰੈਕਟ ਹਾਸਿਲ ਕਰਨ ਲਈ ਰਿਸ਼ਵਤ ਦੇਣ ਸੰਬੰਧੀ ਦੋਸ਼ ਲਗਾਏ ਗਏ ਹਨ।
ਐਸ.ਐਨ.ਸੀ. ਲੈਵਲਿਨ ਦੇ ਸਾਬਕਾ ਵਾਈਸ ਪ੍ਰੈਜ਼ੀਡੈਂਟ ਨੌਰਮੈਂਡ ਮੌਰਿਨ, ਕੰਪਨੀ ਦੇ ਸਾਬਕਾ ਇੰਟਰਨੈਸ਼ਨਲ ਵਾਈਸ ਪ੍ਰੈਜ਼ੀਡੈਂਟ ਕਮਲ ਫਰਾਂਸਿਸ, ਅਤੇ ਐਸ.ਐਨ.ਸੀ. ਲੈਵਲਿਨ 'ਤੇ ਧੋਖਾਧੜੀ ਅਤੇ ਸਾਜਿਸ਼ ਦੇ ਕਈ ਦੋਸ਼ ਲੱਗੇ ਹਨ।
ਫੈਡਰਲ ਬ੍ਰਿਜ ਕਾਰਪੋਰੇਸ਼ਨ ਦੇ ਸਾਬਕਾ ਪ੍ਰੈਜ਼ੀਡੈਂਟ ਅਤੇ ਸੀ.ਈ.ਓ. ਮਾਈਕਲ ਫੋਰਨੀਅਰ ਨੇ $128 ਮਿਲੀਅਨ ਦੇ ਰਿਪੇਅਰ ਪ੍ਰੋਜੈਕਟ ਸੰਬੰਧੀ ਰਿਸ਼ਵਤ ਲੈਣ ਦੇ ਇਲਜਾਮ ਕਬੂਲੇ ਹਨ।
ਫੋਰਨੀਅਰ ਨੂੰ ਸਾਲ 2017 'ਚ ਸਾਢੇ 5 ਸਾਲ ਦੀ ਕੈਦ ਸੁਣਾਈ ਗਈ ਸੀ।
