ਪੁਲਿਸ ਨੇ ਕਿਸ਼ਤੀ ਹਾਦਸੇ ਦੇ ਚਸ਼ਮਦੀਦਾਂ ਨੂੰ ਅੱਗੇ ਆਉਣ ਦੀ ਕੀਤੀ ਅਪੀਲ

ਨਾਰਥ ਵੈਨਕੂਵਰ ਪੁਲਿਸ ਨੇ ਸਪੀਡਬੋਟ ਅਤੇ ਇਨਫਲੇਟੇਬਲ ਟਿਊਬ ਵਿਚਕਾਰ ਹੋਈ ਗੰਭੀਰ ਟੱਕਰ ਦੇ ਸਬੰਧ ਵਿਚ ਗਵਾਹਾਂ ਨੂੰ ਅੱਗੇ ਆਉਣ ਦੀ ਅਪੀਲ ਕੀਤੀ ਹੈ। ਇਸ ਘਟਨਾ ਵਿਚ ਇੱਕ 11 ਸਾਲਾ ਬੱਚੇ ਦੀ ਮੌਤ ਹੋ ਗਈ ਸੀ ਅਤੇ ਦੂਜੇ ਬੱਚੇ ਨੂੰ ਗੰਭੀਰ ਹਾਲਤ ਵਿਚ ਹਸਪਤਾਲ ਲਿਜਾਇਆ ਗਿਆ ਸੀ, ਜੋ ਅਜੇ ਵੀ ਜ਼ੇਰੇ ਇਲਾਜ ਹੈ। ਇਹ ਮਾਮਲਾ 7 ਜੂਨ ਦਾ ਹੈ। ਦੋਵੇਂ ਬੱਚੇ ਇੱਕ ਕਿਸ਼ਤੀ ਨਾਲ ਬੰਨੀ ਗਈ ਇਨਫਲੇਟੇਬਲ ਟਿਊਬ 'ਤੇ ਸਵਾਰ ਸਨ।

ਪੁਲਿਸ ਵਲੋਂ ਦੂਜੇ ਬੱਚੇ ਦੀ ਹਾਲਾਤ ਬਾਰੇ ਡਿਟੇਲਸ ਨਹੀਂ ਦਿੱਤੀ ਗਈ। ਪੁਲਿਸ ਦਾ ਕਹਿਣਾ ਹੈ ਕਿ ਚੱਲ ਰਹੀ ਜਾਂਚ ਕਾਰਨ ਸਪੀਡਬੋਟ ਦੇ ਓਪਰੇਟਰ ਨੂੰ ਮੌਕੇ 'ਤੇ ਗ੍ਰਿਫ਼ਤਾਰ ਕਰਨ ਮਗਰੋਂ ਰਿਹਾਅ ਕਰ ਦਿੱਤਾ ਸੀ, ਉਸ ਦੀ ਅਦਾਲਤੀ ਤਰੀਕ 27 ਅਗਸਤ ਹੈ।

ਕਾਰਪੋਰਲ ਮੰਸੂਰ ਸਾਹਕ ਨੇ ਕਿਹਾ ਕਿ ਸਾਡੀ ਸ਼ੁਰੂਆਤੀ ਅਪੀਲ ਤੋਂ ਬਾਅਦ ਦਰਜਨਾਂ ਲੋਕਾਂ ਨੇ ਬਿਆਨ ਦਿੱਤੇ ਹਨ ਪਰ ਅਜੇ ਵੀ ਉਨ੍ਹਾਂ ਲੋਕਾਂ ਦੇ ਅੱਗੇ ਆਉਣ ਦੀ ਲੋੜ ਹੈ ਜੋ ਘਟਨਾ ਅਤੇ ਘਟਨਾ ਤੋਂ ਪਹਿਲਾਂ ਦੀ ਮਹੱਤਵਪੂਰਨ ਜਾਣਕਾਰੀ ਹੈ।