8.81C Vancouver 8.81C VancouverMay 21, 2025 4:06 PM - The Canadian Press
ਐਲਬਰਟਾ-ਸਸਕੈਚਵਨ ਦੀ ਸਰਹੱਦ ਨੇੜੇ ਸੋਮਵਾਰ ਹੋਈ ਗੋਲੀਬਾਰੀ ਦੌਰਾਨ ਤੇਲ ਟੈਂਕ ਵਿਚ ਗੋਲੀ ਵੱਜੀ, ਜਿਸ ਕਾਰਨ ਕਈ ਲੋਕਾਂ ਨੂੰ ਕੁਝ ਘੰਟਿਆਂ ਤੱਕ ਬਿਨਾਂ ਬਿਜਲੀ ਦੇ ਗੁਜ਼ਾਰਾ ਕਰਨਾ ਪਿਆ। ਪੁਲਿਸ ਮੁਤਾਬਕ ਲੋਇਡਮਿਨਸਟਰ ਦੇ ਐਟਕੋ ਸਬਸਟੇਸ਼ਨ ਵਿਚ ਹੋਏ ਨੁਕਸਾਨ ਅਤੇ ਇਸ ਕਾਰਨ ਲੀਕ ਹੋਏ 20,000 ਲੀਟਰ ਤੇਲ ਨੂੰ ਸਾਫ ਕਰਨ ਲਈ ਕੁੱਲ $1.1 ਮਿਲੀਅਨ ਦਾ ਖਰਚਾ ਆਇਆ।
ਇਸ ਕਾਰਨ 5 ਘੰਟਿਆਂ ਤੱਕ 8,400 ਲੋਕਾਂ ਨੂੰ ਬਿਨਾਂ ਬਿਜਲੀ ਦੇ ਗੁਜ਼ਾਰਾ ਕਰਨਾ ਪਿਆ। ਪੁਲਿਸ ਨੇ ਦੱਸਿਆ ਕਿ ਬਿਜਲੀ ਬੰਦ ਹੋਣ ਦੌਰਾਨ ਕਈ ਘਰਾਂ ਵਿਚ ਚੋਰੀ ਦੀਆਂ ਵਾਰਦਾਤਾਂ ਵਾਪਰੀਆਂ।
ਐਟਕੋ ਇਲੈਕਟ੍ਰਿਕ ਦੇ ਔਫੀਸ਼ੀਅਲਜ਼ ਨੇ ਦੱਸਿਆ ਕਿ ਕੰਪਨੀ ਵਾਤਾਵਰਣ ਪ੍ਰਬੰਧਨ ਕੰਪਨੀ ਨਾਲ ਮਿਲ ਕੇ ਇਸ ਦੇ ਪ੍ਰਭਾਵ ਨੂੰ ਘਟਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਗੋਲੀਬਾਰੀ ਦੀ ਵਾਰਦਾਤ ਸਬੰਧੀ ਵਧੇਰੇ ਜਾਣਕਾਰੀ ਅਜੇ ਸਾਹਮਣੇ ਨਹੀਂ ਆਈ।
