ਵੈਨਕੂਵਰ ਆਈਲੈਂਡ 'ਤੇ ਨਕਲੀ ਕਰੰਸੀ ਸਰਕੂਲੇਟ ਹੋਣ ਦਾ ਮਾਮਲਾ ਆਇਆ ਸਾਹਮਣੇ

ਵੈਨਕੂਵਰ ਆਈਲੈਂਡ 'ਤੇ ਨਕਲੀ ਕਰੰਸੀ ਸਰਕੂਲੇਟ ਹੋਣ ਦਾ ਮਾਮਲਾ ਸਾਹਮਣਾ ਆਇਆ ਹੈ, ਜਿਸ ਬਾਰੇ ਪੁਲਿਸ ਇਸ ਖੇਤਰ ਵਿਚ ਲੋਕਾਂ ਅਤੇ ਕਾਰੋਬਾਰੀ ਮਾਲਕ ਨੂੰ ਅਲਰਟ ਕਰ ਰਹੀ ਹੈ। ਪੁਲਿਸ ਮੁਤਾਬਕ, ਉਨ੍ਹਾਂ ਨੂੰ 21 ਅਗਸਤ ਨੂੰ ਵਿਕਟੋਰੀਆ ਦੇ ਨੌਰਥ ਵਿਚ ਪੈਂਦੇ ਸਿਡਨੀ ਦੇ ਇੱਕ ਸਟੋਰ ਵਿਚ ਟ੍ਰਾਂਜੈਕਸ਼ਨ ਦੌਰਾਨ 100 ਡਾਲਰ ਦੇ ਨਕਲੀ ਨੋਟ ਵਰਤੇ ਜਾਣ ਦੀ ਰਿਪੋਰਟ ਮਿਲੀ।

ਸਿਡਨੀ/ਨੌਰਥ ਸੈਨਿਚ ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਨੋਟ ਦੇਖਣ ਵਿਚ ਬਿਲੁਕਲ ਅਸਲੀ ਵਰਗਾ ਸੀ ਪਰ ਇਸ ਦੇ ਹੋਲੋਗ੍ਰਾਫਿਕ ਭਾਗ 'ਤੇ ਪ੍ਰੋਪ ਮਨੀ ਬਹੁਤ ਛੋਟੇ ਟਾਈਪ ਵਿਚ ਲਿਖਿਆ ਹੋਇਆ ਸੀ। ਜਾਂਚਕਰਤਾ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੋ ਵੀ ਨਕਲੀ ਨੋਟਾਂ ਦੇ ਸੰਪਰਕ ਵਿਚ ਆਉਂਦਾ ਹੈ, ਉਹ ਸਥਾਨਕ ਪੁਲਿਸ ਨੂੰ ਇਸ ਦੀ ਤੁਰੰਤ ਰਿਪੋਰਟ ਕਰੇ।