11.67C Vancouver 11.67C VancouverNov 8, 2022 1:12 AM - Connect News
ਨੌਰਥ ਵੈਨਕੂਵਰ ਆਰ.ਸੀ.ਐਮ.ਪੀ. ਵੱਲੋਂ 2 ਸਟ੍ਰਕਚਰ ਅੱਗਾਂ ਸੰਬੰਧੀ ਜਾਂਚ ਕੀਤੀ ਜਾ ਰਹੀ ਹੈ।
ਘਟਨਾਵਾਂ ਐਤਵਾਰ ਤੜਕੇ ਵਾਪਰੀਆਂ ਦੱਸੀਆਂ ਗਈਆਂ। 6 ਨਵੰਬਰ ਨੂੰ ਸਵੇਰ ਕਰੀਬ 4 ਵਜੇ ਮਾਊਂਟ ਸੇਮੋਰ ਪਾਰਕਵੇ ਦੇ 3000 ਬਲੌਕ 'ਚ ਪੁਲਿਸ ਨੂੰ ਅੱਗ ਲੱਗਣ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਨੌਰਥ ਵੈਨਕੂਵਰ ਡਿਸਟ੍ਰਿਕਟ ਫਾਇਰ ਰੈਸਕਿਊ ਸਰਵਿਸਿਸ ਵੱਲੋਂ ਮੌਕੇ 'ਤੇ ਪਹੁੰਚ ਅੱਗ 'ਤੇ ਕਾਬੂ ਕੀਤਾ ਗਿਆ।
ਹਾਲਾਂਕਿ ਅੱਗ 'ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਦੌਰਾਨ ਟਰੈਫਿਕ 'ਚ ਅੜਿੱਕੇ ਪੇਸ਼ ਆਏ ਸਨ।
ਇਹ ਅੱਗ ਇੱਕ ਖਾਲੀ ਪਏ ਘਰ 'ਚ ਲੱਗੀ ਸੀ ਅਤੇ ਮਾਮਲੇ ਨੂੰ ਸ਼ੱਕੀ ਮੰਨਿਆ ਜਾ ਰਿਹਾ ਹੈ।
ਇਸ ਤੋਂ ਬਾਅਦ ਇੱਕ ਹੋਰ ਅੱਗ ਲੱਗਣ ਦੀ ਘਟਨਾ ਸਵੇਰ 6.30 ਵਜੇ ਦੇ ਕਰੀਬ ਏਅਰਲਿਨ ਪਲੇਸ ਦੇ 1200 ਬਲੌਕ 'ਚ ਸਥਿਤ ਘਰ 'ਚ ਰਿਪੋਰਟ ਹੋਈ।
ਟੀਮਾਂ ਨੇ ਮੌਕੇ 'ਤੇ ਪਹੁੰਚ ਅੱਗ 'ਤੇ ਕਾਬੂ ਪਾਇਆ।
ਹਾਲਾਂਕਿ ਦੂਜੀ ਘਟਨਾ ਘਰ 'ਚ ਮੌਜੂਦ ਵਿਅਕਤੀ ਦੇ ਕਾਰਨ ਵਾਪਰੀ ਦੱਸੀ ਗਈ ਅਤੇ ਇਸ ਘਟਨਾ ਨੂੰ ਅਪਰਾਧਿਕ ਗਤੀਵਿਧੀ ਨਹੀਂ ਮੰਨਿਆ ਜਾ ਰਿਹਾ।
