16.82C Vancouver 16.82C VancouverMar 7, 2025 2:04 PM - The Canadian Press
ਐਲਬਰਟਾ ਪੁਲਿਸ ਨੇ ਐਲਬਰਟਾ ਹੈਲਥ ਸਰਵਿਸਸ ਦੀ ਸ਼ਿਕਾਇਤ ਸਬੰਧੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਉਨ੍ਹਾਂ ਇਸ ਸਬੰਧੀ ਹੋਰ ਜਾਣਕਾਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਐਲਬਰਟਾ ਹੈਲਥ ਸਰਵਿਸਸ ਦੀ ਸਾਬਕਾ ਸੀਈਓ ਦਾ ਦੋਸ਼ ਹੈ ਕਿ ਉਸ ਨੂੰ ਜਾਣ-ਬੁੱਝ ਕੇ ਨੌਕਰੀ ਤੋਂ ਹਟਾਇਆ ਗਿਆ। ਦੋਸ਼ ਹੈ ਕਿ ਹੈਲਥ ਡੀਲਜ਼ ਲਈ ਕਈ ਮਿਲੀਅਨ ਡੌਲਰਜ਼ ਦੀ ਧੋਖਾਧੜੀ ਹੁੰਦੀ ਹੈ।
ਸਾਬਕਾ ਹੈੱਡ ਅਥਾਨਾ ਮੈਂਟਜ਼ੇਲੋਪੋਲੋਸ ਨੇ ਸਰਕਾਰ ਖਿਲਾਫ ਮੁਕੱਦਮਾ ਦਾਇਰ ਕੀਤਾ ਹੈ। ਉਸ ਦਾ ਕਹਿਣਾ ਹੈ ਕਿ ਉਸ 'ਤੇ ਰਾਜਨੀਤਕ ਪ੍ਰੈਸ਼ਰ ਪਾਇਆ ਗਿਆ ਹੈ। ਫਿਲਹਾਲ ਕੋਈ ਵੀ ਦੋਸ਼ ਅਦਾਲਤ ਵਿਚ ਸਾਬਿਤ ਨਹੀਂ ਹੋਇਆ। ਐਲਬਰਟਾ ਦੇ ਆਡੀਟਰ ਜਨਰਲ ਅਤੇ ਸਮਿਥ ਸਰਕਾਰ ਨੇ ਇਸਦੀ ਜਾਂਚ ਸ਼ੁਰੂ ਕੀਤੀ ਹੈ ਅਤੇ ਸਮਿਥ ਨੇ ਕੁਝ ਵੀ ਗਲਤ ਹੋਣ ਤੋਂ ਇਨਕਾਰ ਕੀਤਾ ਹੈ।
ਇਸ ਹਫਤੇ ਸੂਬੇ ਨੇ ਮੈਨੀਟੋਬਾ ਦੇ ਸਾਬਕਾ ਜੱਜ ਨੂੰ ਇਸ ਮਾਮਲੇ ਦੇ ਥਰਡ ਪਾਰਟੀ ਰੀਵਿਊ ਲਈ ਚੁਣਿਆ ਹੈ। ਮਾਣਯੋਗ ਰੇਮੰਡ ਈ ਵਾਯੰਟ ਮਈ ਦੇ ਆਖਿਰ ਤੱਕ ਇਸ ਦੀ ਅੰਤਰਿਮ ਰਿਪੋਰਟ ਅਤੇ 30 ਜੂਨ ਨੂੰ ਆਖਰੀ ਰਿਪੋਰਟ ਦੇਣਗੇ। ਸੂਬੇ ਦੀ ਵਿਰੋਧੀ ਧਿਰ ਨੇ ਇਸ ਮਾਮਲੇ ਦੀ ਜਾਂਚ ਆਰਸੀਐਮਪੀ ਕੋਲੋਂ ਕਰਵਾਉਣ ਦੀ ਮੰਗ ਕੀਤੀ ਸੀ।
