14.54C Vancouver 14.54C VancouverApr 30, 2020 1:36 AM -
ਆਰ.ਸੀ.ਆਈ.ਪੀ. ਦਾ ਕਹਿਣਾ ਹੈ ਕਿ 2 ਲੋਕਾਂ ਨੂੰ ਗਿਰਫਤਾਰ ਕੀਤਾ ਗਿਆ ਹੈ।
ਇਨ੍ਹਾਂ ਤੋਂ $33,000 ਦੇ ਸਰਕਾਰ ਵੱਲੋਂ ਜਾਰੀ ਕੀਤੇ ਗਏ ਚੈੱਕ ਮਿਲੇ ਹਨ, ਜੋ ਕਿ ਕਥਿਤ ਤੌਰ 'ਤੇ ਲੋਅਰ ਮੇਨਲੈਂਡ ਦੀਆਂ ਕਈ ਥਾਵਾਂ ਤੋਂ ਚੋਰੀ ਕੀਤੇ ਗਏ ਸਨ।
ਪੁਲਿਸ ਦਾ ਕਹਿਣਾ ਸੀ ਕਿ ਇਸਦੇ ਵਿਚ ਕੈਨੇਡਾ ਐਮਰਜੈਂਸੀ ਰਿਸਪਾਂਸ ਬੈਨੀਫਿਟ, ਜੀ.ਐਸ.ਟੀ. ਚੈੱਕ ਅਤੇ ਇੰਕਮ ਟੈਕਸ ਰਿਫੰਡ ਸ਼ਾਮਿਲ ਸਨ।
ਇਨ੍ਹਾਂ ਚੈੱਕਾਂ ਦੀ ਰਿਕਵਰੀ ਆਰ.ਸੀ.ਐਮ.ਪੀ. ਦੀ ਕੋਵਿਡ-19 ਕੰਪਲਾਇੰਸ ਅਤੇ ਐਨਫੋਰਸਮੈਂਟ ਟੀਮ ਵੱਲੋਂ ਕੀਤੀ ਗਈ ਹੈ।
ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਚੈੱਕਾਂ ਦੀ ਰਿਕਵਰੀ ਸ਼ਨੀਵਾਰ ਨੂੰ ਕੀਤੀ।
ਅਜਿਹਾ ਉਸ ਵੇਲੇ ਮੁਮਕਿਨ ਹੋ ਸਕਿਆ ਜਦ ਇੱਕ ਗੱਡੀ ਦੀ ਤਲਾਸ਼ੀ ਲਈ ਗਈ, ਜੋ ਕਿ ਇਲਜਾਮਾਂ ਅਨੁਸਾਰ ਗਲਤ ਲਾਇਸੈਂਸ ਪਲੇਟਸ ਅਤੇ ਆਪਰੇਟਿੰਗ ਪਰਮਿਟ ਵਿਖਾ ਰਹੇ ਸਨ।
ਪੁਲਿਸ ਨੇ ਦੱਸਿਆ ਕਿ ਗੱਡੀ ਨੂੰ ਇੱਕ ਬੈਕਯਾਰਡ 'ਚ ਜਾਣ ਤੋਂ ਬਾਅਦ, ਇੱਕ ਵਿਅਕਤੀ ਨੂੰ ਦੌੜਨ ਤੋਂ ਬਾਅਦ, ਕੁਝ ਸਮੇਂ 'ਚ ਉਸਦਾ ਪਿੱਛਾ ਕਰਕੇ ਗਿਰਫਤਾਰ ਕਰ ਲਿਆ ਗਿਆ।
ਇੱਕ ਔਰਤ ਦੀ ਗਿਰਫਤਾਰੀ ਵੀ ਹੋਈ ਹੈ।
ਜਾਂਚ ਜਾਰੀ ਹੈ ਅਤੇ ਮਾਮਲੇ 'ਚ ਅਜੇ ਦੋਸ਼ ਨਹੀਂ ਲਗਾਏ ਗਏ ਹਨ।
