7.14C Vancouver 7.14C VancouverSep 18, 2025 7:25 PM - The Canadian Press
ਕੈਨੇਡਾ ਦੀ ਨੈਸ਼ਨਲ ਪੁਲਿਸ ਫੋਰਸ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਉਸ ਨੇ ਇੱਕ ਔਨਲਾਈਨ ਪਲੇਟਫਾਰਮ ਤੋਂ $56-ਮਿਲੀਅਨ ਦੀ ਕ੍ਰਿਪਟੋਕਰੰਸੀ ਜ਼ਬਤ ਕੀਤੀ ਹੈ, ਜੋ ਕੈਨੇਡੀਅਨ ਇਤਿਹਾਸ ਵਿਚ ਸਭ ਤੋਂ ਵੱਡੀ ਜ਼ਬਤੀ ਹੈ। ਇਹ ਕਾਰਵਾਈ ਕ੍ਰਿਪਟੋਕਰੰਸੀ ਐਕਸਚੇਂਜ ਟਰੇਡਓਗਰ 'ਤੇ ਕੀਤੀ ਗਈ, ਜਿਸ ਬਾਰੇ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਇਸ ਪਲੇਟਫਾਰਮ ਦਾ ਇਸਤੇਮਾਲ ਕ੍ਰਿਮੀਨਲ ਓਰਗਨਾਈਜ਼ੇਸ਼ਨ-ਮਨੀ ਲਾਂਡਰਿੰਗ ਲਈ ਕਰ ਰਹੇ ਸਨ।
ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਵੈੱਬਸਾਈਟ ਨੂੰ ਬੰਦ ਕਰਨ ਦੀ ਉਨ੍ਹਾਂ ਦੀ ਇਹ ਕਾਰਵਾਈ ਪਹਿਲੀ ਵਾਰ ਹੈ ਜਦੋਂ ਕਿਸੇ ਕੈਨੇਡੀਅਨ ਪੁਲਿਸ ਫੋਰਸ ਨੇ ਇਸ ਤਰ੍ਹਾਂ ਕਿਸੇ ਕ੍ਰਿਪਟੋਕਰੰਸੀ ਐਕਸਚੇਂਜ ਨੂੰ ਖਤਮ ਕੀਤਾ ਹੈ। ਪੁਲਿਸ ਨੇ ਕਿਹਾ ਕਿ ਟਰੇਡਓਗਰ ਨੇ ਆਪਣੀ ਸਾਈਡ ਤੋਂ ਯੂਜ਼ਰਸ ਨੂੰ identify ਨਹੀਂ ਕੀਤਾ ਅਤੇ ਆਪਣੇ ਫੰਡ ਦੇ ਸੋਰਸ ਨੂੰ ਵੀ ਲੁਕਾਇਆ।
ਆਰ.ਸੀ.ਐਮ.ਪੀ. ਨੇ ਜਾਂਚ ਜਾਰੀ ਹੋਣ ਦਾ ਹਵਾਲਾ ਦਿੰਦੇ ਹੋਏ ਫਿਲਹਾਲ ਇਸ ਮਾਮਲੇ ਵਿਚ ਕਿਸੇ ਗ੍ਰਿਫਤਾਰੀ ਬਾਰੇ ਜਾਣਕਾਰੀ ਨਹੀਂ ਦਿੱਤੀ। ਇਨਵੈਸਟੀਗੇਟਰਸ ਨੇ ਕਿਹਾ ਕਿ ਸਾਈਟ ਦੇ ਲੈਣ-ਦੇਣ ਡੇਟਾ ਦੀ ਡੂੰਘਾਈ ਨਾਲ ਜਾਂਚ ਕਰਨ ਤੋਂ ਦੋਸ਼ ਤੈਅ ਹੋ ਸਕਦੇ ਹਨ। ਆਰ.ਸੀ.ਐਮ.ਪੀ. ਦੀ ਜਾਂਚ ਯੂਰਪੀਅਨ ਯੂਨੀਅਨ ਦੀ ਏਜੰਸੀ ਯੂਰੋਪੋਲ ਤੋਂ ਮਿਲੀ ਸੂਚਨਾ ਦੇ ਆਧਾਰ 'ਤੇ ਜੂਨ 2024 ਵਿਚ ਸ਼ੁਰੂ ਹੋਈ ਸੀ।
