10.59C Vancouver 10.59C VancouverMay 12, 2025 4:28 PM - The Canadian Press
ਸੈਂਟਰਲ ਐਡਮਿੰਟਨ ਵਿਚ ਸ਼ਨੀਵਾਰ ਵਾਪਰੇ ਸਕਾਈਡਾਈਵਿੰਗ ਹਾਦਸੇ ਵਿਚ ਐਡਮਿੰਟਨ ਦੇ 56 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ। ਵੈਸਟ ਐਡਮਿੰਟਨ ਨੇੜਲੀ ਓਨੋਵੇ ਕਮਿਊਨਿਟੀ ਦੇ ਟਾਊਨਸ਼ਿਪ ਰੋਡ 540 ਕੋਲ ਇਹ ਹਾਦਸਾ ਸਵੇਰੇ ਕਰੀਬ 10 ਵਜੇ ਵਾਪਰਿਆ। ਪੁਲਿਸ ਨੂੰ ਜਦ ਹਾਦਸੇ ਸਬੰਧੀ ਜਾਣਕਾਰੀ ਮਿਲੀ ਤਾਂ ਉਹ ਮਦਦ ਲਈ ਪੁੱਜੇ ਪਰ ਤਦ ਤੱਕ ਵਿਅਕਤੀ ਦੀ ਮੌਤ ਹੋ ਚੁੱਕੀ ਸੀ।
ਦੱਸਿਆ ਜਾ ਰਿਹਾ ਹੈ ਕਿ ਵਿਅਕਤੀ ਸਕਾਈਡਾਈਵਿੰਗ ਇੰਸਟ੍ਰਕਟਰ ਸੀ। ਇਹ ਹਾਦਸਾ ਕਿਵੇਂ ਵਾਪਰਿਆ, ਇਸ ਦੀ ਅਜੇ ਜਾਂਚ ਚੱਲ ਰਹੀ ਹੈ। ਇਸ ਦੌਰਾਨ ਕਿਸੇ ਹੋਰ ਦੇ ਜ਼ਖਮੀ ਹੋਣ ਦੀ ਰਿਪੋਰਟ ਨਹੀਂ ਹੈ। ਟਰਾਂਸਪੋਰਟ ਕੈਨੇਡਾਅਤੇ ਵਿਵਸਾਇਕ ਸਿਹਤ ਤੇ ਸੁਰੱਖਿਆ ਨੂੰ ਇਸ ਸਬੰਧੀ ਜਾਣਕਾਰੀ ਦੇ ਦਿੱਤੀ ਗਈ ਹੈ।
