12.75C Vancouver 12.75C VancouverNov 13, 2024 5:36 PM - The Canadian Press
ਬਰਨਬੀ ਆਰ.ਸੀ.ਐੱਮ.ਪੀ. ਨੇ ਡਰੱਗ ਤਸਕਰੀ ਦੀ ਜਾਂਚ ਦੇ ਸੰਬੰਧ ਵਿਚ ਸਰੀ ਅਤੇ ਕੋਕੁਇਟਲਮ ਵਿਚ ਦੋ ਰਿਹਾਇਸ਼ੀ ਜਾਇਦਾਦਾਂ ਵਿਚ ਛਾਪੇਮਾਰੀ ਦੌਰਾਨ ਵੱਡੀ ਮਾਤਰਾ ਵਿਚ ਨਸ਼ਾ ਜ਼ਬਤ ਕੀਤੇ ਜਾਣ ਦੀ ਜਾਣਕਾਰੀ ਦਿੱਤੀ ਹੈ। ਪੁਲਿਸ ਨੇ ਕਿਹਾ ਕਿ ਅੰਤਰਰਾਜੀ ਡਰੱਗ ਰੈਕਟ ਦੇ ਸਬੰਧ ਵਿਚ ਚਾਰ ਮਹੀਨਿਆਂ ਦੀ ਲੰਮੀ ਜਾਂਚ ਤੋਂ ਬਾਅਦ ਉਸ ਨੇ 4 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ।
ਛਾਪੇਮਾਰੀ ਵਿਚ ਇਨ੍ਹਾਂ ਕੋਲੋਂ $80,000 ਕੈਸ਼ ਦੇ ਨਾਲ 9,555 ਹਾਈਡਰੋਮੋਰਫੋਨ ਦੀਆਂ ਗੋਲੀਆਂ, 1.15 ਕਿਲੋ ਸ਼ੱਕੀ ਕੋਕੀਨ, 25.51 ਗ੍ਰਾਮ ਕੇਟਾਮਾਈਨ ਅਤੇ 12,547 ਸ਼ੱਕੀ ਅਲਪਰਾਜ਼ੋਲਮ ਗੋਲੀਆਂ ਜ਼ਬਤ ਕੀਤੀਆਂ ਗਈਆਂ। ਪੁਲਿਸ ਨੇ ਕਿਹਾ ਕਿ ਜ਼ਬਤ ਕੀਤੀਆਂ ਗਈਆਂ ਜ਼ਿਆਦਾਤਰ ਹਾਈਡਰੋਮੋਰਫੋਨ ਗੋਲੀਆਂ ਵਿਚੋਂ ਕਈ ਨਕਲੀ ਸਨ ਅਤੇ ਉਨ੍ਹਾਂ ਵਿਚ ਫੈਂਟਾਨਾਇਲ ਸੀ।
ਦੋਸ਼ ਹੈ ਕਿ ਇਹ ਗਿਰੋਹ ਸਥਾਨਕ ਪੱਧਰ ਤੋਂ ਇਲਾਵਾ ਮੈਨੀਟੋਬਾ ਅਤੇ ਯੂਕੋਨ ਤੱਕ ਵੀ ਭਾਰੀ ਮਾਤਰਾ ਵਿਚ ਨਸ਼ਾ ਪਹੁੰਚਾਉਂਦਾ ਸੀ। ਪੁਲਿਸ ਅਨੁਸਾਰ, ਗ੍ਰਿਫਤਾਰ ਕੀਤੇ ਗਏ ਮੁਲਜ਼ਮਾਂ ਵਿਚੋਂ ਦੋ ਪਹਿਲਾਂ ਹੀ ਹੋਰ ਜਾਂਚਾਂ ਨਾਲ ਜੁੜੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਹਨ।
