14.37C Vancouver 14.37C VancouverMar 10, 2022 8:24 PM - The Canadian Press
ਬੀ.ਸੀ. ਦੇ ਨਨਾਈਮੋ 'ਚ ਇੱਕ ਜੋੜੇ ਨਾਲ $400,000 ਦੀ ਠੱਗੀ ਵੱਜ ਗਈ ਹੈ।
ਜੋੜੇ ਨੂੰ ਲੱਗਿਆ ਸੀ ਕਿ ਉਹ $18 ਮਿਲੀਅਨ ਦੀ ਲਾਟਰੀ ਜਿੱਤ ਗਏ ਹਨ।
ਉਨ੍ਹਾਂ ਨੂੰ ਦੱਸਿਆ ਗਿਆ ਸੀ ਕਿ ਲਾਟਰੀ 'ਚ ਉਨ੍ਹਾਂ ਦਾ ਇੱਕ ਲਗਜਰੀ ਵਾਹਨ ਵੀ ਨਿਕਲਿਆ ਹੈ।
ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਦੋਵਾਂ ਲੋਕਾਂ ਦੀ ਉਮਰ 80 ਸਾਲ ਤੋਂ ਵਧੇਰੇ ਹੈ।
ਉਨ੍ਹਾਂ ਨੂੰ ਬੀਤੇ ਸਾਲ ਦੀ ਸ਼ੁਰੂਆਤ 'ਚ ਇੱਕ ਕਾਲ ਜਰੀਏ ਸੰਪਰਕ ਕੀਤਾ ਗਿਆ ਸੀ।
ਉਨ੍ਹਾਂ ਨੂੰ ਜਾਣਕਾਰੀ ਦਿੱਤੀ ਗਈ ਸੀ ਕਿ ਦੋਵਾਂ ਦੀ $18.5 ਮਿਲੀਅਨ ਦੀ ਲਾਟਰੀ ਨਿਕਲ ਗਈ ਹੈ ਅਤੇ ਇੱਕ ਮਰਸਡੀਜ ਬੈਨਸ ਗੱਡੀ ਵੀ ਜਿੱਤ ਲਈ ਹੈ।
ਪਰ ਉਨ੍ਹਾਂ ਨੂੰ ਕਿਹਾ ਗਿਆ ਸੀ ਕਿ ਇਸ ਰਾਸ਼ੀ ਨੂੰ ਹਾਸਿਲ ਕਰਨ ਲਈ ਐਡਮਿਨਿਸਟ੍ਰੇਟਿਵ ਫੀਸ ਭਰਨ ਦੀ ਲੋੜ ਹੋਵੇਗੀ।
ਇਸ ਤੋਂ ਬਾਅਦ ਇੱਕ-ਇੱਕ ਕਰ ਉਨ੍ਹਾਂ ਨੂੰ ਕੁਝ ਦਸਤਾਵੇਜ ਭੇਜੇ ਗਏ ਸਨ ਜੋ ਕਿ ਅਧਿਕਾਰਿਤ ਜਾਪਦੇ ਸਨ।
ਇਸ 'ਚ ਕੁਝ ਟੈਕਸ ਭਰਨ ਲਈ ਕਿਹਾ ਗਿਆ ਸੀ ਜੋ ਕਿ ਬੈਂਕ ਡਰਾਫਟ ਆਸਰੇ ਭਰਨੇ ਸਨ।
ਜਦ ਤਕ ਪੁਲਿਸ ਮਾਮਲੇ 'ਚ ਸ਼ਾਮਿਲ ਹੋਈ ਤਾਂ ਠੱਗੀ ਦੀ ਰਕਮ ਬੇਹੱਦ ਵੱਡੀ ਹੋ ਚੁੱਕੀ ਸੀ।
ਕਾਂਸਟੇਬਲ ਗੈਰੀ ਓ'ਬ੍ਰਾਇਨ ਨੇ ਕਿਹਾ ਕਿ ਇਸ ਪ੍ਰਕਾਰ ਦੀ ਠੱਗੀ ਦਰਸ਼ਾਉਂਦੀ ਹੈ ਕਿ ਠੱਗ ਉਸ ਵੇਲੇ ਤਕ ਨਹੀਂ ਰੁਕਣਗੇ ਜਦ ਤਕ ਕਿ ਸਾਰਾ ਪੈਸਾ ਨਾ ਹੜਪ ਲੈਣ ਜਾਂ ਤੁਹਾਨੂੰ ਪਤਾ ਨਾ ਲਗ ਜਾਂਵੇ ਕਿ ਕੋਈ ਠੱਗੀ ਮਾਰ ਰਿਹਾ ਹੈ।
