16.72C Vancouver 16.72C VancouverMay 5, 2022 12:24 AM - The Canadian Press
ਕੈਲੋਨਾ 'ਚ ਇੱਕ ਪਿਆਨੋ ਟੀਚਰ 'ਤੇ ਇੱਕ ਬੱਚੇ ਖਿਲਾਫ ਜਿਨਸੀ ਅਪਰਾਧਾਂ ਦੇ ਦੋਸ਼ ਲੱਗੇ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ ਵਧੇਰੇ ਪੀੜਤ ਹੋ ਸਕਦੇ ਹਨ ਅਤੇ ਅਜਿਹੇ ਲੋਕ ਵੀ ਹੋ ਸਕਦੇ ਹਨ ਜੋ ਜਾਂਚ 'ਚ ਮਦਦ ਕਰ ਸਕਦੇ ਹਨ।
ਅਜਿਹੇ ਲੋਕਾਂ ਨੂੰ ਸਾਹਮਣੇ ਆਉਣ ਦੀ ਅਪੀਲ ਕੀਤੀ ਗਈ ਹੈ। ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਦਾ ਨਾਮ ਨੀਲ ਵੌਂਗ ਦੱਸਿਆ ਗਿਆ ਹੈ।
ਇਸ ਨੂੰ ਨੇਨ-ਨੇਨ ਵੌਂਗ ਵਜੋਂ ਵੀ ਜਾਣਿਆ ਜਾਂਦਾ ਹੈ।
ਟੀਚਰ ਬਾਰੇ ਦੱਸਿਆ ਗਿਆ ਕਿ ਉਹ ਆਪਣੇ ਘਰ ਅਤੇ ਔਨਲਾਈਨ ਢੰਗ ਨਾਲ ਪ੍ਰਾਈਵੇਟ ਪਿਆਨੋ ਲੈਸਨਸ ਦਿੰਦਾ ਸੀ।
ਹਾਲਾਂਕਿ ਇਸ ਟੀਚਰ ਕੋਲ ਕਿੰਨੇ ਵਿਦਿਆਰਥੀ ਪਹੁੰਚਦੇ ਸਨ ਇਸ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ।
ਕੌਰਪੋਰਲ ਟਿਮ ਰਸਲ ਨੇ ਕਿਹਾ ਕਿ ਉਹ ਵੌਂਗ ਕੋਲ ਸਿੱਖਿਆ ਹਾਸਿਲ ਕਰਨ ਪਹੁੰਚੇ ਵਿਦਿਆਰਥੀਆਂ ਦੇ ਪਰਿਵਾਰਾਂ ਨੂੰ ਮੰਗ ਕਰ ਰਹੇ ਹਨ ਕਿ ਪੁਲਿਸ ਨਾਲ ਸੰਪਰਕ ਕੀਤਾ ਜਾਵੇ।
54 ਸਾਲਾ ਟੀਚਰ ਦੇ ਘਰ ਲੈਸਨਸ ਲਈ ਪਹੁੰਚਣ ਵਾਲੇ ਬੱਚੇ ਨਾਲ ਜਿਨਸੀ ਅਪਰਾਧ 8 ਮਹੀਨੇ ਦੇ ਸਮੇਂ ਦੌਰਾਨ ਵਾਪਰੇ ਮੰਨੇ ਜਾ ਰਹੇ ਹਨ।
ਪੁਲਿਸ ਨੇ ਦੱਸਿਆ ਕਿ ਟੀਚਰ ਨੂੰ ਫਰਵਰੀ 'ਚ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਉਸ 'ਤੇ ਜਿਨਸੀ ਹਮਲੇ ਅਤੇ ਸੈਕਸ਼ੂਅਲ ਇੰਟਰਫੇਰੈਂਸ ਦੇ ਦੋਸ਼ ਲੱਗੇ ਹਨ।
ਉਸ ਦੀ 16 ਜੂਨ ਨੂੰ ਕੋਰਟ 'ਚ ਪੇਸ਼ੀ ਹੋਣੀ ਹੈ।
