ਐਲਬਰਟਾ ਦੇ ਲਾਪਤਾ ਛੇ ਸਾਲਾ ਲੜਕੇ ਬਾਰੇ ਆਰ.ਸੀ.ਐਮ.ਪੀ. ਸਾਂਝੀ ਕਰੇਗੀ ਜਾਣਕਾਰੀ

ਐਲਬਰਟਾ ਦੇ ਕਰੌਸਨੇਸਟ ਪਾਸ ਖੇਤਰ ਤੋਂ ਲਾਪਤਾ 6 ਸਾਲਾ ਬੱਚੇ ਸਬੰਧੀ ਆਰ.ਸੀ.ਐਮ.ਪੀ. ਅੱਜ ਤਾਜ਼ਾ ਜਾਣਕਾਰੀ ਸਾਂਝੀ ਕਰਨ ਜਾ ਰਹੀ ਹੈ। ਡੈਰੀਅਸ ਮੈਕਡੌਗਲ 21 ਸਤੰਬਰ ਤੋਂ ਲਾਪਤਾ ਹੈ। ਪਿਛਲੇ ਕਰੀਬ 11 ਦਿਨਾਂ ਤੋਂ ਲਾਪਤਾ ਬੱਚੇ ਦੇ ਜਿਊਂਦੇ ਹੋਣ ਦੀ ਉਮੀਦ ਬਹੁਤ ਘੱਟ ਹੈ। ਉਸਦੀ ਭਾਲ ਲਈ ਡਰੋਨ, ਹੈਲੀਕਾਪਟਰ ਅਤੇ ਪੁਲਿਸ ਡੌਗ ਦੀ ਵੀ ਮਦਦ ਲਈ ਗਈ।

ਲੈਥਬ੍ਰਿਜ ਦੇ ਰਹਿਣ ਵਾਲੇ ਇਸ ਪਰਿਵਾਰ ਨੇ ਕਿਹਾ ਕਿ ਉਹ ਉਸ ਦੀ ਭਾਲ ਜਾਰੀ ਰੱਖਣਗੇ। ਪਰਿਵਾਰ ਨੇ ਉਸ ਦੀ ਭਾਲ ਲਈ ਮਦਦ ਕਰਨ ਵਾਲਿਆਂ ਦਾ ਧੰਨਵਾਦ ਕੀਤਾ ਹੈ। ਇਸ ਤੋਂ ਪਹਿਲਾਂ ਕਾਰਪੋਰੇਸ਼ਨਲ ਜੀਨਾ ਸਲੇਨੀ ਨੇ ਦੱਸਿਆ ਸੀ ਕਿ ਰਾਤ ਸਮੇਂ ਮੌਸਮ ਠੰਡਾ ਹੋਣ ਲੱਗ ਗਿਆ ਹੈ ਅਤੇ ਬੱਚੇ ਦੀ ਮੈਡੀਕਲ ਸਥਿਤੀ ਕਾਰਨ ਉਸ ਦੇ ਸੁਰੱਖਿਅਤ ਮਿਲਣ ਦੀ ਆਸ ਨਹੀਂ ਹੈ।