8.7C Vancouver 8.7C VancouverOct 9, 2025 6:16 PM - Connect Newsroom
ਸਰੀ ਵਿਚ ਇੱਕ ਡਰੱਗ ਨੈੱਟਵਰਕ ਦਾ ਪਰਦਾਫਾਸ਼ ਹੋਇਆ ਹੈ, ਜਿਸ ਦੇ ਸਬੰਧ ਵਿਚ ਪੁਲਿਸ ਨੇ ਫੈਂਟਾਨਿਲ, ਕੋਕੀਨ ਸਮੇਤ 56 ਕਿਲੋਗ੍ਰਾਮ ਤੋਂ ਵੱਧ ਨਸ਼ਾ ਜ਼ਬਤ ਕੀਤਾ। ਆਰ.ਸੀ.ਐਮ.ਪੀ. ਦੀ ਸਰੀ ਪ੍ਰੋਵਿੰਸ਼ੀਅਲ ਓਪਰੇਸ਼ਨਸ ਸਪੋਰਟ ਯੂਨਿਟ ਨੇ ਕਿਹਾ ਕਿ ਫਰਵਰੀ ਵਿਚ ਇੱਕ ਸ਼ੱਕ ਤੋਂ ਜਾਂਚ ਸ਼ੁਰੂ ਹੋਈ ਸੀ ਜੋ ਛੇ ਮਹੀਨਿਆਂ ਤੱਕ ਚੱਲੀ। ਇਹ ਗਰੁੱਪ ਕਥਿਤ ਤੌਰ 'ਤੇ ਪੂਰੇ ਸੂਬੇ ਵਿਚ ਵੱਡੀ ਮਾਤਰਾ ਵਿਚ ਗੈਰ-ਕਾਨੂੰਨੀ ਨਸ਼ੀਲੇ ਪਦਾਰਥਾਂ ਦੀ ਸਪਲਾਈ ਕਰਦਾ ਸੀ।
10 ਸਤੰਬਰ ਨੂੰ ਅਧਿਕਾਰੀਆਂ ਨੂੰ ਗਿਲਫੋਰਡ ਦੇ ਇੱਕ ਨਿਵਾਸੀ ਦੀ ਤਲਾਸ਼ੀ ਦੌਰਾਨ ਪ੍ਰੋਸੈਸਿੰਗ ਅਤੇ ਪੈਕੇਜਿੰਗ ਉਪਕਰਣ ਮਿਲੇ, ਜਿਨ੍ਹਾਂ ਦਾ ਇਸਤੇਮਾਲ ਡਰੱਗਜ਼ ਬਣਾਉਣ ਅਤੇ ਪੈਕੇਜਿੰਗ ਲਈ ਕੀਤਾ ਜਾ ਰਿਹਾ ਸੀ। ਇਸ ਮੌਕੇ 4 ਲੋਕ ਵੀ ਗ੍ਰਿਫਤਾਰ ਕੀਤੇ ਗਏ ਸਨ।
ਅਧਿਕਾਰੀਆਂ ਨੇ ਕਿਹਾ ਕਿ ਇਸ ਓਪਰੇਸ਼ਨ ਵਿਚ ਉਨ੍ਹਾਂ $54,000 ਕੈਸ਼ ਦੇ ਨਾਲ $1ਮਿਲੀਅਨ ਡਾਲਰ ਦੀਆਂ ਸੰਪਤੀਆ ਜ਼ਬਤ ਕੀਤੀਆਂ, ਜਿਸ ਵਿਚ ਦੋ ਪਿਕ-ਅੱਪ ਟਰੱਕ, ਦੋ ਐਸਯੂਵੀ, ਇੱਕ ਕਾਰ ਤੇ ਇੱਕ ਔਫ ਰੋਡ ਸਾਈਡ ਬਾਇ ਸਾਈਡ ਵਾਹਨ ਅਤੇ ਦੋ ਜੈੱਟ-ਸਕੀਸ ਸ਼ਾਮਲ ਸਨ। ਆਰ.ਸੀ.ਐਮ.ਪੀ. SPOSU ਦੇ ਅਫਸਰ ਇੰਚਾਰਜ ਚੀਫ ਸੁਪਰਡੈਂਟ ਵੈਂਡੀ ਮਹਿਤ ਨੇ ਕਿਹਾ ਕਿ ਟੀਮ ਵਲੋਂ ਹੁਣ ਚਾਰਜਿਜ਼ ਦੀ ਸਿਫਾਰਸ਼ ਲਈ ਰਿਪੋਰਟ ਤਿਆਰ ਕੀਤੀ ਜਾ ਰਹੀ ਹੈ।
