10.35C Vancouver 10.35C VancouverSep 23, 2020 3:32 PM -
ਆਉਣ ਵਾਲੇ ਸਮੇਂ ਵਿੱਚ ਫੈਡਰਲ ਸਰਕਾਰ ਦੇ ਕੋਵਿਡ-19 ਨਾਲ ਨਜਿੱਠਣ ਦੇ ਵੇਰਵੇ ਅੱਜ ‘ਥਰੋਨ ਸਪੀਚ’ ਵਿੱਚ ਸਾਂਝੇ ਕੀਤੇ ਜਾਣਗੇ।
ਤਕਰੀਬਨ ਇੱਕ ਘੰਟਾ ਚੱਲਣ ਵਾਲੀ ਸਪੀਚ ਵਿੱਚ ਤਿੰਨ ਮੁੱਖ ਮੁੱਦਿਆਂ ਨੂੰ ਉਭਾਰਿਆ ਜਾਵੇਗਾ: ਮਹਾਂਮਾਰੀ ਦੀ ਦੂਜੀ ਲਹਿਰ ਨੂੰ ਕਾਬੂ ਕਰਨ ਲਈ ਚੁੱਕੇ ਜਾਣ ਵਾਲੇ ਕਦਮ, ਹੁਣ ਤੱਕ ਮਹਾਂਮਾਰੀ ਤੋਂ ਪ੍ਰਭਾਵਿਤ ਹੋਏ ਲੋਕਾਂ ਲਈ ਸਹਿਯੋਗ ਅਤੇ ਅਰਥ ਵਿਵਸਥਾ ਨੂੰ ਹੋਰ ਹੁੰਗਾਰਾ ਦੇਣ ਦੇ ਉਪਾਅ।
ਦੇਸ਼ ਭਰ ਵਿੱਚ ਵਾਇਰਸ ਦੇ ਮਾਮਲਿਆਂ ਵਿੱਚ ਵਾਧੇ ਨੂੰ ਦੇਖਦਿਆਂ ਸਿਹਤ ਅਧਿਕਾਰੀਆਂ ਵਲੋਂ ਦੂਜੀ ਲਹਿਰ ਬਾਰੇ ਚਿਤਾਵਨੀ ਦਿੱਤੀ ਜਾ ਰਹੀ ਹੈ।
ਕੰਜ਼ਰਵੇਟਿਵ ਲੀਡਰ ਐਰਿਨ ਓ’ ਟੂਲ ਅਤੇ ਬਲੌਕ ਕਿਊਬਕਵਾ ਲੀਡਰ ਈਵ ਫ੍ਰਾਂਸਵਾ ਬਲਾਂਸ਼ੈਟ ਇਸ ਮੌਕੇ ਮੌਜੂਦ ਨਹੀਂ ਹੋਣਗੇ, ਦੋਵੇਂ ਕੋਵਿਡ -19 ਪੌਜ਼ਿਟਿਵ ਹਨ ਅਤੇ ਇਕੱਲਤਾ ਵਿੱਚ ਰਹਿ ਰਹੇ ਹਨ।
ਗਵਰਨਰ ਜਨਰਲ ਜੂਲੀ ਪੈਯਟ ਵੱਲੋਂ ਅੱਜ ਦੁਪਹਿਰ 2 ਵਜੇ ਇਹ ਭਾਸ਼ਨ ਦਿੱਤਾ ਜਾਵੇਗਾ, ਜਿਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਇਕ ਖਾਸ ਸੰਬੋਧਨ ਕਰਨਗੇ।
