ਕੈਨੇਡੀਅਨਾਂ ਲਈ ਰਾਹਤ ਭਰੀ ਖ਼ਬਰ: ਗ੍ਰੋਸਰੀ ਤੋਂ ਲੈ ਕੇ ਕੁਝ ਚੀਜ਼ਾਂ ’ਤੇ ਜੀ.ਐਸ.ਟੀ. ਵਿਚ ਮਿਲੀ ਛੋਟ

ਕੈਨੇਡੀਅਨਾਂ ਲਈ ਵੱਡੀ ਰਾਹਤ ਹੈ। ਪੀ.ਐੱਮ. ਜਸਿਟਨ ਟਰੂਡੋ ਨੇ ਰੈਸਟੋਰੈਂਟ ਖਾਣੇ ਤੋਂ ਲੈ ਕੇ ਬੱਚਿਆਂ ਦੇ ਖਿਡੌਣਿਆਂ ਤੱਕ ’ਤੇ ਦੋ ਮਹੀਨਿਆਂ ਲਈ ਜੀ. ਐੱਸ.ਟੀ ਛੋਟ ਦੇਣ ਦਾ ਐਲਾਨ ਕੀਤਾ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਕ੍ਰਿਸਮਸ ਟ੍ਰੀ, ਬੱਚਿਆਂ ਦੇ ਖਿਡੌਣੇ ਅਤੇ ਰੈਸਟੋਰੈਟ ਦੇ ਖਾਣੇ ’ਤੇ ਕੈਨੇਡੀਅਨਾਂ ਨੂੰ ਹੁਣ ਸੇਲ ਟੈਕਸ ਨਹੀਂ ਦੇਣਾ ਪਵੇਗਾ।

ਉਨ੍ਹਾਂ ਇਹ ਵੀ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਅਗਲੇ ਸਾਲ ਬਹੁਤ ਸਾਰੇ ਕੈਨੇਡੀਅਨਾ ਨੂੰ 250 ਡਾਲਰ ਦੇ ਚੈੱਕ ਵੀ ਭੇਜੇਗੀ।ਪੀ.ਐੱਮ. ਟਰੂਡੋ ਨੇ ਕਿਹਾ ਕਿ ਸਰਕਾਰ ਉਨ੍ਹਾਂ ਸਾਰੇ ਕੈਨੇਡੀਅਨਾ ਨੂੰ $250 ਦੇ ਚੈਕ ਭੇਜੇਗੀ ਜਿਨ੍ਹਾਂ ਦੀ 2023 ਵਿਚ ਟੈਕਸ ਤੋਂ ਬਾਅਦ $150,000 ਤੱਕ ਇਨਕਮ ਰਹੀ ਹੈ। ਇਹ ਪੇਮੈਂਟ ਕੰਮ ਕਰਨ ਵਾਲੇ ਕੈਨੇਡੀਅਨਾਂ ਦੀ ਛੋਟ ਪ੍ਰੋਗਰਾਮ ਤਹਿਤ ਮਾਰਚ 2025 ਦੇ ਸ਼ੁਰੂ ਵਿਚ 18.7 ਮਿਲੀਅਨ ਕੈਨੇਡੀਅਨਾਂ ਨੂੰ ਮਿਲੇਗੀ।

ਉਥੇ ਹੀ, ਜੀ.ਐੱਸ.ਟੀ. ਰਾਹਤ ਦੇ ਮਾਮਲੇ ਵਿਚ ਸਰਕਾਰ ਦਾ ਕਹਿਣਾ ਹੈ ਕਿ 14 ਦਸੰਬਰ ਤੋਂ 15 ਫਰਵਰੀ ਤੱਕ ਦੇ ਦੋ ਮਹੀਨਿਆਂ ਦੌਰਾਨ ਪਰਿਵਾਰਾਂ ਨੂੰ $2,000 ਦੇ ਖਰਚ ’ਤੇ $100 ਦੀ ਬਚਤ ਹੋਵੇਗੀ।