12.85C Vancouver 12.85C VancouverJun 25, 2021 4:30 PM -
ਕੈਥੋਲਿਕ ਧਾਰਮਿਕ ਭਾਈਚਾਰਾ ਜੋ ਸਸਕੈਚਵਨ ਅਤੇ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਰੈਜ਼ੀਡੈਂਸ਼ੀਅਲ ਸਕੂਲ ਚਲਾਉਂਦਾ ਸੀ, ਜਿੱਥੇ ਸੈਂਕੜੇ ਅਨਮਾਰਕਡ ਗ੍ਰੇਵਸ ਮਿਲੇ ਹਨ, ਦਾ ਕਹਿਣਾ ਹੈ ਕਿ ਉਹ ਇਸ ਵਿੱਚ ਮੌਜੂਦ ਸਾਰੇ ਇਤਿਹਾਸਕ ਦਸਤਾਵੇਜ਼ਾਂ ਦਾ ਖੁਲਾਸਾ ਕਰੇਗਾ।
‘ਦ ਮਿਸ਼ਨਰੀ ਆਫ਼ ਓਬਲੇਟਸ ਆਫ ਮੈਰੀ ਇਮੈਕੁਲੇਟ’ ਨੇ 48 ਸਕੂਲ ਚਲਾਏ, ਜਿਨ੍ਹਾਂ ਵਿੱਚ ਸਸਕੈਚਵਨ ਦੇ ਕਾਉਸੇਸੈਸ ਫਰਸਟ ਨੇਸ਼ਨ ਵਿਖੇ ‘ਮੈਰੀਵਾਲ ਇੰਡੀਅਨ ਰੈਜ਼ੀਡੈਂਸ਼ੀਅਲ ਸਕੂਲ’ ਅਤੇ ਬੀ.ਸੀ. ਵਿੱਚ ਕੈਮਲੂਪਸ ਦਾ ‘ਇੰਡੀਅਨ ਰੈਜ਼ੀਡੈਂਸ਼ੀਅਲ ਸਕੂਲ’ ਵੀ ਸ਼ਾਮਲ ਹਨ।
ਇੱਕ ਬਿਆਨ ਵਿੱਚ, ਓਬਲੇਟਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਇਤਿਹਾਸਕ ਦਸਤਾਵੇਜ਼ਾਂ ਨੂੰ ਯੂਨੀਵਰਸਿਟੀਆਂ, ਪੁਰਾਲੇਖਾਂ ਅਤੇ ‘ਟਰੂਥ ਐਂਡ ਰਿਕਨਸੀਲੀਅਸ਼ਨ ਕਮਿਸ਼ਨ’ ਰਾਹੀਂ ਉਪਲੱਬਧ ਕਰਾਉਣ ਦਾ ਕੰਮ ਕੀਤਾ ਹੈ।
ਉਨ੍ਹਾਂ ਮੁਤਾਬਕ ਸੂਬਾਈ ਅਤੇ ਰਾਸ਼ਟਰੀ ਗੋਪਨੀਯਤਾ ਕਾਨੂੰਨਾਂ ਵਿੱਚ ਪੇਚੀਦਗੀਆਂ ਕਰਕੇ ਕੰਮ ਪੂਰਾ ਨਹੀਂ ਹੋਇਆ ਹੈ।
ਓਬਲੇਟਸ ਦਾ ਬਿਆਨ ਸੰਗਠਨਾਂ ਤੋਂ ਉਨ੍ਹਾਂ ਕਾਨੂੰਨਾਂ ਨੂੰ ਨੈਵੀਗੇਟ ਕਰਨ ਬਾਰੇ ਮਾਰਗਦਰਸ਼ਨ ਵੀ ਮੰਗਦਾ ਹੈ।
ਇੰਡੀਜਨਸ ਆਗੂ ਅਤੇ ਹੋਰ ਲੋਕ ਰੈਜ਼ੀਡੈਂਸ਼ੀਅਲ ਸਕੂਲਾਂ ਨਾਲ ਸਬੰਧਤ ਸਾਰੇ ਦਸਤਾਵੇਜ਼ ਜਾਰੀ ਕਰਨ ਦੀ ਮੰਗ ਕਰ ਰਹੇ ਹਨ।
