11.7C Vancouver 11.7C VancouverNov 11, 2022 1:33 AM - The Canadian Press
ਬੀ.ਸੀ. 'ਚ ਸਾਲ 2021 'ਚ ਨਵੰਬਰ ਮਹੀਨੇ 'ਚ ਦਿੱਤੀ ਹੜ੍ਹਾਂ ਦੀ ਦਸਤਕ ਨੂੰ ਇੱਕ ਸਾਲ ਪੂਰਾ ਹੋਣ ਜਾ ਰਿਹਾ ਹੈ।
ਭਿਆਨਕ ਹੜ੍ਹਾਂ ਦੀ ਵਰ੍ਹੇਗੰਢ ਤੋਂ ਠੀਕ ਪਹਿਲਾਂ ਸੂਬਾ ਸਰਕਾਰ ਨੇ ਜਾਣਕਾਰੀ ਦਿੱਤੀ ਹੈ ਕਿ ਰਿਕਵਰੀ ਕਾਰਜਾਂ 'ਚ $41 ਮਿਲੀਅਨ ਦਾ ਨਿਵੇਸ਼ ਕੀਤਾ ਜਾ ਰਿਹਾ ਹੈ।
ਪਬਲਿਕ ਸੇਫਟੀ ਮੰਤਰੀ ਮਾਈਕ ਫਾਰਨਵਰਥ ਨੇ ਅੱਜ ਐਗਰੀਕਲਚਰ ਮੰਤਰੀ ਲਾਨਾ ਪੌਪਹਮ ਅਤੇ ਟਰਾਂਸਪੋਰਟ ਅਤੇ ਇੰਫ੍ਰਾਸਟਰਕਚਰ ਮੰਤਰੀ ਰੌਬ ਫਲੈਮਿੰਗ ਦੀ ਮੌਜੂਦਗੀ 'ਚ ਇਸ ਸੰਬੰਧੀ ਜਾਣਕਾਰੀ ਦਿੱਤੀ।
ਪਬਲਿਕ ਸੇਫਟੀ ਮੰਤਰੀ ਨੇ ਕਿਹਾ ਕਿ ਐਬਟਸਫੋਰਡ 'ਚ ਐਮਰਜੈਂਸੀ ਮੈਨੇਜਮੈਂਟ ਬੀ.ਸੀ. ਵੱਲੋਂ ਸੁਮਾਸ ਡਾਈਕ ਦੀ ਮਰੱਮਤ ਲਈ $1.6 ਮਿਲੀਅਨ ਪ੍ਰਦਾਨ ਕੀਤੇ ਜਾ ਰਹੇ ਹਨ।
ਫਾਰਨਵਰਥ ਨੇ ਕਿਹਾ ਕਿ ਬੀਤੇ ਸਾਲ ਦੇ ਹੜ੍ਹਾਂ ਤੋਂ ਬਾਅਦ ਹੁਣ ਤਕ 500 ਡੈਬਰੀ ਸਾਈਟਸ ਨੂੰ ਕਲੀਅਰ ਕੀਤਾ ਜਾ ਚੁੱਕਿਆ ਹੈ।
ਯਾਦ ਰਹੇ ਹੜ੍ਹਾਂ ਦੌਰਾਨ 5 ਲੋਕਾਂ ਦੀ ਜਾਨ ਚਲੀ ਗਈ ਸੀ।
ਫਰੇਜ਼ਰ ਵੈਲੀ ਦੇ 3,300 ਦੇ ਕਰੀਬ ਲੋਕ ਹੜ੍ਹਾਂ ਕਾਰਨ ਡਿਸਪਲੇਸ ਹੋਏ ਸਨ।
