ਲਾਪੂ-ਲਾਪੂ ਡੇਅ ਮੌਕੇ ਰੂਲਸ ਦੀ ਹੋਈ ਸੀ ਪਾਲਣਾ, ਰਿਪੋਰਟ 'ਚ ਖੁਲਾਸਾ

ਵੈਨਕੂਵਰ ਵਿਚ 26 ਅਪ੍ਰੈਲ ਨੂੰ ਲਾਪੂ ਲਾਪੂ ਫੈਸਟੀਵਲ ਵਿਚ ਹੋਏ ਕਾਰ ਹਮਲੇ ਦੀ ਘਟਨਾ ਮਗਰੋਂ ਸਿਟੀ ਅਤੇ ਪੁਲਿਸ ਨੇ ਬਾਹਰੀ ਸਮਾਗਮਾਂ ਲਈ ਸੁਰੱਖਿਆ ਵਧਾਉਣ ਵਾਸਤੇ ਸਾਂਝੀ ਸਮੀਖਿਆ ਸ਼ੁਰੂ ਕੀਤੀ ਹੈ। ਮੇਅਰ ਕੇਨ ਸਿਮ ਅਤੇ ਵੈਨਕੂਵਰ ਪੁਲਿਸ ਦੇ ਕਾਰਜਕਾਰੀ ਚੀਫ਼ ਸਟੀਵ ਰਾਏ ਨੇ ਅੱਜ ਇਸ ਘਟਨਾ ਦੀ ਮੁੱਢਲੀ ਰਿਪੋਰਟ ਜਾਰੀ ਕਰਦੇ ਹੋਏ ਇਹ ਜਾਣਕਾਰੀ ਦਿੱਤੀ।

ਮੇਅਰ ਨੇ ਕਿਹਾ ਕਿ ਰਿਪੋਰਟ ਵਿਚ ਸਾਹਮਣੇ ਆਇਆ ਹੈ ਕਿ ਲਾਪੂ ਲਾਪੂ ਫੈਸਟੀਵਲ ਦੇ ਆਯੋਜਨ ਲਈ ਸਾਰੇ ਸਹੀ ਕਦਮ ਚੁੱਕੇ ਗਏ ਸਨ। ਹਾਲਾਂਕਿ, ਭਾਰੀ ਰੁਕਾਵਟਾਂ ਨਹੀਂ ਲਗਾਈਆਂ ਗਈਆਂ ਸਨ। ਸਿਮ ਨੇ ਅੱਜ ਦੱਸਿਆ ਕਿ ਗ੍ਰਾਊਂਡ ਸੇਫਟੀ ਵਧਾਉਣ ਲਈ ਪੁਲਿਸ ਨੇ ਨਵੇਂ mobile vehicle barriers ਖਰੀਦੇ ਹਨ।

ਰਿਪੋਰਟ ਮੁਤਾਬਕ, ਜਨਤਕ ਪ੍ਰੋਗਰਾਮਾਂ ਵਿਚ ਵਾਹਨਾਂ ਦੇ ਪ੍ਰਵੇਸ਼ ਨੂੰ ਰੋਕਣ ਲਈ 320 ਕਿਲੋਗ੍ਰਾਮ ਦੇ 16 ਨਵੇਂ mobile vehicle barriers ਕੱਲ ਸ਼ਹਿਰ ਵਿਚ ਪਹੁੰਚੇ ਹਨ, ਇਨ੍ਹਾਂ ਦਾ ਆਰਡਰ ਫਰਵਰੀ ਵਿਚ ਦਿੱਤਾ ਗਿਆ ਸੀ।