11.87C Vancouver 11.87C VancouverJun 1, 2021 5:24 PM -
ਸੁਪ੍ਰੀਮ ਕੋਰਟ ਦੇ ਇੱਕ ਰਿਟਾਇਰਡ ਜੱਜ ਵੱਲੋਂ ਕੈਨੇਡਾ ਦੇ ਮਿਲਟਰੀ ਜਸਟਿਸ ਸਿਸਟਮ ਦੇ ਕਈ ਮਹੀਨਿਆਂ ਦੇ ਰੀਵਿਊ ਤੋਂ ਬਾਅਦ ਇੱਕ ਰਿਪੋਰਟ ਪੇਸ਼ ਕੀਤੀ ਗਈ ਹੈ।
ਇਸ ਰਿਪੋਰਟ 'ਚ ਸਵਾਲ ਖੜੇ ਕੀਤੇ ਗਏ ਹਨ ਕਿ ਜਿਸ ਤਰੀਕੇ ਨਾਲ ਜਿਨਸੀ ਬਦਸਲੂਕੀ ਦੇ ਮਾਮਲਿਆਂ ਨਾਲ ਕਨੇਡੀਅਨ ਆਰਮਡ ਫੋਰਸਿਸ ਵੱਲੋਂ ਨਜਿੱਠਿਆ ਜਾਂਦਾ ਹੈ ਉਸ 'ਚ ਬਦਲਾਅ ਦੀ ਲੋੜ ਹੈ।
ਇਸ ਰਿਪੋਰਟ ਨੂੰ ਅੱਜ ਸਵੇਰੇ ਹਾਊਸ ਆਫ ਕਾਮਨਜ਼ 'ਚ ਪੇਸ਼ ਕੀਤਾ ਗਿਆ।
ਮੌਰਿਸ ਫਿਸ਼ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਰੀਵਿਊ 'ਚ ਪੁਸ਼ਟੀ ਹੋਈ ਹੈ ਕਿ ਮਿਲਟਰੀ ਵਿੱਚ ਜਿਨਸੀ ਬਦਸਲੂਕੀ ਦੇ ਮਾਮਲੇ ਉਸੇ ਤਰੀਕੇ ਨਾਲ ਨੁਕਸਾਨਦੇਹ ਹਨ, ਜਿਵੇਂ ਸਾਲ 2015 'ਚ ਨੁਕਸਾਨਦੇਹ ਸਨ।
ਫਿਸ਼ ਨੇ ਕਿਹਾ ਕਿ ਮਿਲਟਰੀ ਨੂੰ ਇਸ ਲੋੜ ਨੂੰ ਖਤਮ ਕਰਨਾ ਚਾਹੀਦਾ ਹੈ ਕਿ ਪੀੜਤਾਂ ਵੱਲੋਂ ਘਟਨਾਵਾਂ ਨੂੰ 'ਚੇਨ ਆਫ ਕਮਾਂਡ' ਨੂੰ ਰਿਪੋਰਟ ਕੀਤਾ ਜਾਵੇ।
ਉਨ੍ਹਾਂ ਕਿਹਾ ਕਿ ਜਿਨਸੀ ਹਮਲੇ ਦੇ ਮਾਮਲਿਆਂ ਨੂੰ ਮਿਲਟਰੀ ਅਧਿਕਾਰੀਆਂ ਵੱਲੋਂ ਇਨਵੈਸਟੀਗੇਟ ਜਾਂ ਪ੍ਰਾਸੀਕਿਉਟ ਨਹੀਂ ਕੀਤਾ ਜਾਣਾ ਚਾਹੀਦਾ, ਜਦ ਤਕ ਕਿ ਪੀੜਤ ਦਾ 'ਬਿਲ ਆਫ ਰਾਈਟਸ' ਨਾ ਇੰਪਲੀਮੈਂਟ ਕੀਤਾ ਹੋਵੇ।
ਇਸ ਰਿਪੋਰਟ 'ਚ ਬਦਲਾਅ ਸੰਬੰਧੀ ਕੁੱਲ 107 ਸਿਫਾਰਸ਼ਾਂ ਕੀਤੀਆਂ ਗਈਆਂ ਹਨ।
