ਰਿਸ਼ੀ ਸੁਨਕ ਦੀ ਕੰਜ਼ਰਵੇਟਿਵ ਪਾਰਟੀ ਕਰ ਰਹੀ ਹੈ ਨਵੇਂ ਸੰਕਟ ਦਾ ਸਾਹਮਣਾ

ਬ੍ਰਿਟੇਨ ਵਿਚ ਰਿਸ਼ੀ ਸੁਨਕ ਦੀ ਕੰਜ਼ਰਵੇਟਿਵ ਪਾਰਟੀ ਅਗਲੇ ਇਲੈਕਸ਼ਨਸ ਤੋਂ ਪਹਿਲਾਂ ਨਵੇਂ ਸੰਕਟ ਦਾ ਸਾਹਮਣਾ ਕਰ ਰਹੀ ਹੈ। ਸਰਕਾਰੀ ਨੀਤੀਆਂ ਦੇ ਵਿਰੋਧ ਅਤੇ ਡਾਵਾਂਡੋਲ ਹੋ ਰਹੀ ਅਰਥ ਵਿਵਸਥਾ ਕਾਰਨ ਕੰਜ਼ਰਵੇਟਿਵ ਪਾਰਟੀ ਉੱਪ ਚੋਣਾਂ ਵਿਚ ਲਗਾਤਾਰ ਹਾਰ ਦਰਜ ਕਰ ਰਹੀ ਹੈ, ਜਿਸ ਕਾਰਨ ਪਾਰਟੀ ਵਿਚ ਲੀਡਰਸ਼ਿਪ ਬਦਲਣ ਦੀ ਮੰਗ ਸ਼ੁਰੂ ਹੋ ਗਈ ਹੈ।

ਪਾਰਟੀ ਦੇ 100 ਐੱਮ.ਪੀ. ਨੇ ਇਲੈਕਸ਼ਨਸ ਤੋਂ ਪਹਿਲਾਂ ਹੀ ਅਸਤੀਫੇ ਦੇਣ ਦਾ ਫੈਸਲਾ ਕੀਤਾ ਹੈ। ਰਿਪੋਰਟਸ ਦਾ ਕਹਿਣਾ ਹੈ ਕਿ ਕਈ ਐੱਮ.ਪੀ. ਨੂੰ ਲੱਗਦਾ ਹੈ ਕਿ ਅਗਾਮੀ ਇਲੈਕਸ਼ਨਸ ਵਿਚ ਉਹ ਆਪਣੀ ਸੀਟ ਹਾਰ ਜਾਣਗੇ। ਇਸ ਦੇ ਨਾਲ ਹੀ ਕੁਝ ਐੱਮ.ਪੀ. ਨੇ ਸਿਆਸਤ ਤੋਂ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ ਹੈ ਅਤੇ ਉਹ ਪ੍ਰਾਈਵੇਟ ਸੈਕਟਰ ਵਿਚ ਨੌਕਰੀ ਤਲਾਸ਼ ਰਹੇ ਹਨ।

ਬ੍ਰਿਟੇਨ ਵਿਚ 2019 ਦੀਆਂ ਇਲੈਕਸ਼ਨਸ ਵਿਚ ਸਾਬਕਾ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ ਪਾਰਟੀ ਨੂੰ ਬਹੁਮਤ ਦਵਾਇਆ ਸੀ ਪਰ ਉਸ ਤੋਂ ਬਾਅਦ ਇੱਕ ਹੀ ਕਾਰਜਕਾਲ ਵਿਚ ਪਾਰਟੀ 10 ਤੋਂ ਵੱਧ ਉੱਪ ਚੋਣਾਂ ਹਾਰ ਚੁੱਕੀ ਹੈ।

ਹਾਲ ਹੀ ਵਿਚ ਕਿੰਗਸਵੁੱਡ ਅਤੇ ਵੇਲਿੰਗਬਰੋ ਵਿਚ ਹਾਰ ਤੋਂ ਕੰਜ਼ਰਵੇਟਿਵ ਐੱਮ.ਪੀ. ਚਿੰਤਾ ਵਿਚ ਪੈ ਗਏ ਹਨ। ਇਨ੍ਹਾਂ ਦੋਹਾਂ ਸੀਟਾਂ ਤੋਂ ਲੇਬਰ ਦੇ ਉਮੀਦਵਾਰ ਜਿੱਤੇ। ਉੱਪ ਚੋਣਾਂ ਦੇ ਨਤੀਜਿਆਂ ਤੋਂ ਬਾਅਦ ਲੇਬਰ ਪਾਰਟੀ ਦੇ ਲੀਡਰ ਕੇਇਰ ਸਟਾਰਮਰ ਨੇ ਕਿਹਾ ਕਿ ਨਤੀਜਿਆਂ ਨੇ ਸਪੱਸ਼ਟ ਕੀਤਾ ਹੈ ਕਿ ਦੇਸ਼ ਬਦਲਾਅ ਚਾਹੁੰਦਾ ਹੈ।

​