17.22C Vancouver 17.22C VancouverJun 2, 2025 11:24 AM - The Associated Press
ਨਾਈਜੀਰੀਆ ਦੇ ਉੱਤਰੀ ਪ੍ਰਾਂਤ ਕਾਨੋ ਵਿੱਚ ਖਿਡਾਰੀਆਂ ਨਾਲ ਭਰੀ ਇੱਕ ਬੱਸ ਕੰਟਰੋਲ ਤੋਂ ਬਾਹਰ ਹੋ ਗਈ ਅਤੇ ਇੱਕ ਪੁਲ ਤੋਂ ਹੇਠਾਂ ਡਿੱਗ ਗਈ। ਇਸ ਹਾਦਸੇ ਵਿੱਚ 22 ਐਥਲੀਟਾਂ ਦੀ ਮੌਤ ਹੋ ਗਈ ਅਤੇ ਕਈ ਹੋਰ ਜ਼ਖਮੀ ਹੋ ਗਏ। ਜ਼ਖਮੀਆਂ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ।
ਪ੍ਰਾਂਤ ਦੇ ਗਵਰਨਰ ਅੱਬਾ ਕਬੀਰ ਯੂਸਫ਼ ਨੇ ਕਿਹਾ ਕਿ ਬੱਸ ਸ਼ਨੀਵਾਰ ਨੂੰ ਦੱਖਣੀ ਪ੍ਰਾਂਤ ਓਗੁਨ ਵਿੱਚ ਆਯੋਜਿਤ ਰਾਸ਼ਟਰੀ ਖੇਡ ਉਤਸਵ ਤੋਂ ਖਿਡਾਰੀਆਂ ਨੂੰ ਲੈ ਕੇ ਵਾਪਸ ਆ ਰਹੀ ਸੀ… ਜਦੋਂ ਇਹ ਹਾਦਸਾ ਵਾਪਰਿਆ। ਹਾਦਸੇ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ।ਉਨ੍ਹਾਂ ਕਿਹਾ, ਅਜਿਹਾ ਲੱਗਦਾ ਹੈ ਕਿ ਡਰਾਈਵਰ ਨੇ ਬੱਸ ਤੋਂ ਕੰਟਰੋਲ ਗੁਆ ਦਿੱਤਾ ਅਤੇ 30 ਤੋਂ ਵੱਧ ਯਾਤਰੀਆਂ ਨੂੰ ਲੈ ਕੇ ਜਾ ਰਹੀ ਬੱਸ ਕਾਨੋ-ਜ਼ਾਰੀਆ ਐਕਸਪ੍ਰੈਸਵੇਅ ‘ਤੇ ਚਿਰੋਮਾਵਾ ਪੁਲ ਤੋਂ ਡਿੱਗ ਗਈ।
ਰਾਜਪਾਲ ਨੇ ਸੋਮਵਾਰ ਨੂੰ ਕਾਨੋ ਵਿੱਚ ਰਾਜਕੀ ਸੋਗ ਦਾ ਦਿਨ ਐਲਾਨਿਆ। ਇਸ ਦੌਰਾਨ,ਕਾਨੋ ਦੇ ਡਿਪਟੀ ਗਵਰਨਰ ਅਮੀਨੂ ਗਵਾਰਜ਼ੋ ਨੇ ਪੀੜਤਾਂ ਦੇ ਪਰਿਵਾਰਾਂ ਨੂੰ 10 ਲੱਖ ਨਾਇਰਾ (ਲਗਭਗ 630 ਅਮਰੀਕੀ ਡਾਲਰ) ਦੀ ਵਿੱਤੀ ਸਹਾਇਤਾ ਦਾ ਐਲਾਨ ਕੀਤਾ। ਨਾਈਜੀਰੀਆ ਅਫਰੀਕਾ ਦਾ ਸਭ ਤੋਂ ਵੱਧ ਆਬਾਦੀ ਵਾਲਾ ਦੇਸ਼ ਹੈ। ਮਾੜੀਆਂ ਸੜਕਾਂ ਦੀ ਸਥਿਤੀ ਅਤੇ ਕਮਜ਼ੋਰ ਟ੍ਰੈਫਿਕ ਕਾਨੂੰਨਾਂ ਕਾਰਨ ਇੱਥੇ ਸੜਕ ਹਾਦਸੇ ਅਕਸਰ ਹੁੰਦੇ ਰਹਿੰਦੇ ਹਨ।
