ਬਰਨਬੀ 'ਚ ਦੋ ਸਾਲ ਪੁਰਾਣੇ ਡਕੈਤੀ ਦੇ ਮਾਮਲਿਆਂ ਦੇ ਦੋਸ਼ ਵਿਚ ਦੋ ਲੋਕਾਂ ਨੂੰ ਕੀਤਾ ਗਿਆ ਚਾਰਜ

ਬਰਨਬੀ ਪੁਲਿਸ ਨੇ ਇੱਕ ਇਲਾਕੇ ਵਿਚ ਸੇਮ ਲੋਕੇਸ਼ਨ 'ਤੇ ਹੋਈ ਡਕੈਤੀ ਦੀਆਂ ਦੋ ਘਟਨਾਵਾਂ ਦੀ ਦੋ ਸਾਲਾਂ ਦੀ ਜਾਂਚ ਮਗਰੋਂ ਦੋ ਲੋਕਾਂ ਨੂੰ ਚਾਰਜ ਕੀਤਾ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ 29 ਜਨਵਰੀ 2023 ਨੂੰ ਉਨ੍ਹਾਂ ਨੂੰ ਹੋਲਡਮ ਐਵੇਨਿਊ ਨੇੜੇ ਹੇਸਟਿੰਗਜ਼ ਸਟ੍ਰੀਟ 'ਤੇ ਇੱਕ ਸੁਵਿਧਾ ਸਟੋਰ ਵਿਚ ਡਕੈਤੀ ਦੀ ਰਿਪੋਰਟ ਮਿਲੀ, ਪੁਲਿਸ ਨੂੰ ਦੱਸਿਆ ਗਿਆ ਕਿ ਦੋ ਸ਼ੱਕੀਆਂ ਨੇ ਸਟੋਰ ਵਿਚ ਪ੍ਰਵੇਸ਼ ਕੀਤਾ ਅਤੇ ਪੀੜਤ ਨੂੰ ਬੰਨ੍ਹ ਦਿੱਤਾ, ਜਿਸ ਤੋਂ ਬਾਅਦ ਉਹ ਕੈਸ਼ ਅਤੇ ਸਿਗਰੇਟ ਲੈ ਕੇ ਫਰਾਰ ਹੋ ਗਏ।

ਇਸ ਘਟਨਾ ਦੇ ਕੁਝ ਹਫ਼ਤਿਆਂ ਬਾਅਦ 22 ਫਰਵਰੀ 2023 ਨੂੰ ਪੁਲਿਸ ਨੇ ਉਸੇ ਸਟੋਰ 'ਤੇ ਇਸੇ ਤਰ੍ਹਾਂ ਇੱਕ ਹੋਰ ਡਕੈਤੀ ਦੀ ਘਟਨਾ ਬਾਰੇ ਸੂਚਨਾ ਮਿਲੀ। ਦੋ ਸਾਲਾਂ ਦੀ ਲੰਮੀ ਜਾਂਚ ਤੋਂ ਬਾਅਦ ਬੀਸੀ ਪ੍ਰੌਸੀਕਿਊਸ਼ਨ ਸਰਵਿਸ ਨੇ 34 ਸਾਲਾ ਜੋਲਨ ਰੇਅਜ਼ ਅਤੇ 32 ਸਾਲਾ ਕੋਲਟਨ ਓਟੋ-ਓਪਰਮੈਨ ਖਿਲਾਫ ਡਕੈਤੀ ਅਤੇ ਗੈਰ-ਕਾਨੂੰਨੀ ਕੈਦ ਦੇ ਚਾਰਜਿਜ਼ ਮਨਜ਼ੂਰ ਕੀਤੇ ਹਨ।