20.29C Vancouver 20.29C VancouverAug 13, 2025 1:43 PM - The Canadian Press
ਨਿਊਫਾਊਂਡਲੈਂਡ ਅਤੇ ਲੈਬਰਾਡੋਰ ਦੀ ਰਾਜਧਾਨੀ ਅਤੇ ਸੂਬੇ ਦੇ ਹੋਰ ਹਿੱਸਿਆਂ ਵਿਚ ਜੰਗਲ ਦੀ ਅੱਗ ਦੇ ਘੇਰੇ ਵਿਚ ਆਏ ਲਗਭਗ 20,000 ਲੋਕਾਂ ਨੂੰ ਘਰ ਛੱਡਣਾ ਪੈ ਸਕਦਾ ਹੈ। ਸੇਂਟ ਜੌਨ ਦੇ ਦੋ ਇਲਾਕਿਆਂ ਦੇ ਕਰੀਬ 5,400 ਲੋਕਾਂ ਨੂੰ ਮੰਗਲਵਾਰ ਕਿਹਾ ਗਿਆ ਕਿ ਉਹ ਤੁਰੰਤ ਆਪਣੇ ਘਰ ਛੱਡਣ ਲਈ ਤਿਆਰ ਰਹਿਣ।
ਇਸ ਤੋਂ ਪਹਿਲਾਂ ਪੈਰਾਡਾਈਜ਼ ਅਤੇ ਕੰਸੈਪਸ਼ਨ ਬੇ ਸਾਊਥ ਦੇ ਨੇੜਲੇ ਇਲਾਕਿਆਂ ਦੇ ਲਗਭਗ 15,000 ਲੋਕਾਂ ਨੂੰ ਨਿਕਾਸੀ ਦੀਆਂ ਚਿਤਾਵਨੀਆਂ ਜਾਰੀ ਕੀਤੀਆਂ ਗਈਆਂ ਸਨ। ਇਨ੍ਹਾਂ ਸ਼ਹਿਰਾਂ ਲਈ ਖਤਰਾ ਬਣ ਰਹੀ ਜੰਗਲੀ ਅੱਗ ਮੰਗਲਵਾਰ ਰਾਤ ਟਰਾਂਸ ਕੈਨੇਡਾ ਹਾਈਵੇਅ ਤੋਂ ਮਹਿਜ 250 ਮੀਟਰ ਦੀ ਦੂਰ 'ਤੇ ਸੀ।
ਕੈਨੇਡੀਅਨ ਆਰਮਡ ਫੋਰਸਿਜ਼ ਅਤੇ ਕੋਸਟ ਗਾਰਡ ਦੇ ਕਰਮਚਾਰੀ ਲੋਕਾਂ ਨੂੰ ਸਪੋਰਟ ਡਿਲਿਵਰ ਕਰਨ ਵਿਚ ਮਦਦ ਕਰ ਰਹੇ ਹਨ। ਨਿਊਫਾਊਂਡਲੈਂਡ ਲੈਬਰਾਡੋਰ ਵਿਚ 9 ਥਾਵਾਂ 'ਤੇ ਜੰਗਲੀ ਅੱਗਾਂ ਬਲ ਰਹੀਆਂ ਹਨ, ਜਿਨ੍ਹਾਂ ਵਿਚੋਂ 4 ਕਾਬੂ ਤੋਂ ਬਾਹਰ ਦੱਸੀਆਂ ਜਾਂਦੀਆਂ ਹਨ।
