ਹਾਕੀ ਖਿਡਾਰੀਆਂ ਦੇ ਜਿਨਸੀ ਸ਼ੋਸ਼ਣ ਦੇ ਮੁਕੱਦਮੇ ਦਾ ਫੈਸਲਾ ਅੱਜ

ਕੈਨੇਡਾ ਦੀ 2018 ਦੀ ਵਰਲਡ ਜੂਨੀਅਰ ਹਾਕੀ ਟੀਮ ਨਾਲ ਜੁੜੇ ਹਾਈ-ਪ੍ਰੋਫਾਈਲ ਜਿਨਸੀ ਸੋਸ਼ਣ ਮੁਕੱਦਮੇ ਵਿਚ ਓਨਟਾਰੀਓ ਸੁਪੀਰੀਅਰ ਕੋਰਟ ਦੀ ਜਸਟਿਸ ਮਾਰੀਆ ਕੈਰੋਸੀਆ ਵਲੋਂ ਅੱਜ ਫੈਸਲਾ ਸੁਣਾਇਆ ਜਾਵੇਗਾ।

ਇਸ ਕੇਸ ਵਿਚ ਸਾਬਕਾ ਖਿਡਾਰੀ ਮਾਈਕਲ ਮੈਕਲਿਓਡ, ਕਾਰਟਰ ਹਾਰਟ, ਅਲੈਕਸ ਫੋਰਮੈਂਟਨ, ਡਿਲਨ ਡੁਬ ਅਤੇ ਕੈਲ ਫੁੱਟ 'ਤੇ ਜਿਨਸੀ ਸੋਸ਼ਣ ਦੇ ਦੋਸ਼ ਹਨ।

ਈ. ਐੱਮ. ਦੇ ਕਾਲਪਿਨਕ ਨਾਮ ਦੀ ਸ਼ਿਕਾਇਤਕਰਤਾ ਲੜਕੀ ਜੋ ਉਸ ਸਮੇਂ 20 ਸਾਲ ਦੀ ਸੀ, ਨੇ ਦੋਸ਼ ਲਗਾਇਆ ਸੀ ਕਿ ਜੂਨ 2018 ਵਿਚ ਓਨਟਾਰੀਓ ਦੇ ਲੰਡਨ ਦੇ ਇੱਕ ਹੋਟਲ ਦੇ ਕਮਰੇ ਵਿਚ ਉਸ ਦਾ ਕਈ ਘੰਟੇ ਜਿਨਸੀ ਸੋਸ਼ਣ ਕੀਤਾ ਗਿਆ ਸੀ, ਉਸ ਸਮੇਂ ਖਿਡਾਰੀ ਵਰਲਡ ਜੂਨੀਅਰ ਚੈਂਪੀਅਨਸ਼ਿਪ ਜਿੱਤਣ ਦਾ ਜਸ਼ਨ ਮਨਾਉਣ ਦੇ ਸਬੰਧ ਵਿਚ ਹਾਕੀ ਕੈਨੇਡਾ ਵਲੋਂ ਆਯੋਜਿਤ ਈਵੈਂਟ ਲਈ ਸ਼ਹਿਰ ਵਿਚ ਇਕੱਠੇ ਹੋਏ ਸਨ।

ਸਰਕਾਰੀ ਵਕੀਲਾਂ ਦਾ ਦੋਸ਼ ਹੈ ਕਿ ਮੈਕਲਿਓਡ ਇਸ ਮਾਮਲੇ ਵਿਚ ਮੁੱਖ ਸਰਗਨਾ ਸੀ। ਵਕੀਲਾਂ ਮੁਤਾਬਕ, ਮੈਕਲਿਓਡ ਨੇ ਆਪਣੇ ਸਾਥੀਆਂ ਨੂੰ ਈ.ਐੱਮ. ਨਾਲ ਸਬੰਧ ਬਣਾਉਣ ਲਈ ਉਤਸ਼ਹਾਤ ਕੀਤਾ ਸੀ। ਹਾਲਾਂਕਿ, ਟ੍ਰਾਇਲ ਦੌਰਾਨ ਕਿਸੇ ਵੀ ਸਾਬਕਾ ਖਿਡਾਰੀ ਨੇ ਆਪਣੇ 'ਤੇ ਲੱਗੇ ਦੋਸ਼ ਨੂੰ ਸਵੀਕਾਰ ਨਹੀਂ ਕੀਤਾ ਸੀ।