ਰੂਸ ਨੇ ਕੈਂਸਰ ਵੈਕਸੀਨ ਬਣਾਉਣ ਵਿਚ ਕੀਤੀ ਸਫ਼ਲਤਾ ਹਾਸਲ

ਰੂਸ ਨੇ ਕੈਂਸਰ ਵੈਕਸੀਨ ਬਣਾਉਣ ਵਿਚ ਸਫਲਤਾ ਹਾਸਲ ਕਰ ਲਈ ਹੈ। ਰੂਸੀ ਸਿਹਤ ਮੰਤਰਾਲੇ ਦੇ ਰੇਡੀਓਲੋਜੀ ਮੈਡੀਕਲ ਖੋਜ ਕੇਂਦਰ ਦੇ ਜਨਰਲ ਡਾਇਰੈਕਟਰ ਆਂਦਰੇ ਕਪ੍ਰਿਨ ਨੇ ਰੇਡੀਓ ਰੋਸੀਆ ਨੂੰ ਇਸ ਦੀ ਜਾਣਕਾਰੀ ਦਿੱਤੀ।

ਰੂਸ ਨਿਊਜ਼ ਏਜੰਸੀ ਟਾਸ ਮੁਤਾਬਕ, ਇਹ ਵੈਕਸੀਨ ਅਗਲੇ ਸਾਲ ਤੋਂ ਰੂਸ ਦੇ ਨਾਗਰਿਕਾਂ ਨੂੰ ਮੁਫਤ ਲਗਾਈ ਜਾਵੇਗੀ। ਰੂਸ ਦੀ ਇਸ ਖੋਜ ਨੂੰ ਸਦੀ ਦੀ ਸਭ ਤੋਂ ਵੱਡੀ ਖੋਜ ਮੰਨਿਆ ਜਾ ਰਿਹਾ ਹੈ।

ਕਪ੍ਰਿਨ ਮੁਤਾਬਕ, ਵੈਕਸੀਨ ਦੇ ਕਲੀਨਿਕਲ ਟਰਾਇਲ ਨੇ ਦਿਖਾਇਆ ਹੈ ਕਿ ਇਹ ਟਿਊਮਰ ਦੇ ਵਾਧੇ ਨੂੰ ਰੋਕਣ ਵਿਚ ਮਦਦ ਕਰਦੀ ਹੈ। ਇਹ ਇੱਕ ਐੱਮਆਰਐੱਨਏ ਬੇਸਡ ਵੈਕਸੀਨ ਹੈ। ਇਹ ਇਮਿਊਨ ਸਿਸਟਮ ਨੂੰ ਕੈਂਸਰ ਸੈੱਲਸ ਦੀ ਪਛਾਣ ਕਰਨ ਅਤੇ ਉਸ ’ਤੇ ਹਮਲਾ ਕਰਨ ਲਈ ਪ੍ਰੇਰਿਤ ਕਰਦੀ ਹੈ।

ਐੱਮਆਰਐੱਨਏ ਵੈਕਸੀਨ ਸਰੀਰ ਦੀ ਆਪਣੀ ਸੈਲੂਲਰ ਮਸ਼ੀਨਰੀ ਨੂੰ ਰੋਗਾਂ ਪ੍ਰਤੀ ਇਮਿਊਨ ਪ੍ਰਤੀਕਿਰਿਆ ਬਣਾਉਣ ਵਿਚ ਮਦਦ ਕਰਦੀ ਹੈ। ਇਸ ਸਾਲ ਦੇ ਸ਼ੁਰੂ ਵਿਚ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਕਿਹਾ ਸੀ ਕਿ ਰੂਸ ਕੈਂਸਰ ਦੀ ਵੈਕਸੀਨ ਬਣਾਉਣ ਦੇ ਬਹੁਤ ਨੇੜੇ ਹੈ।