ਓਰਸਟੇਡ ਤੇ ਸ਼ੈੱਲ ਐਨਰਜੀ ਯੂਰਪ ਨੂੰ ਗੈਸ ਦੀ ਸਪਲਾਈ ਸਸਪੈਂਡ ਕਰੇਗੀ ਰੂਸ ਦੀ ਕੰਪਨੀ

ਡੈਨਮਾਰਕ ਦੀ ਸਭ ਤੋਂ ਵੱਡੀ ਐਨਰਜ਼ੀ ਦਿੱਗਜ ਕੰਪਨੀ ਓਰਸਟੇਡ ਅਤੇ ਸ਼ੈੱਲ ਐਨਰਜੀ ਯੂਰਪ ਨੇ ਰੂਸ ਨੂੰ ਰੂਬਲ ਵਿਚ ਗੈਸ ਲਈ ਭੁਗਤਾਨ ਕਰਨ ਤੋਂ ਮਨ੍ਹਾ ਕਰ ਦਿੱਤਾ ਹੈ। ਇਸ ਦੇ ਮੱਦੇਨਜ਼ਰ ਰੂਸੀ ਕੰਪਨੀ ਨੇ ਉਕਤ ਦੋਵੇਂ ਕੰਪਨੀਆਂ ਨੂੰ 1 ਜੂਨ ਤੋਂ ਗੈਸ ਦੀ ਡਿਲਿਵਰੀ ਸਸਪੈਂਡ ਕਰਨ ਦੀ ਚਿਤਾਵਨੀ ਦਿੱਤੀ ਹੈ।

ਗਜ਼ਪ੍ਰੋਮ ਐਕਸਪੋਰਟ ਨੇ ਇਕ ਬਿਆਨ ਵਿਚ ਕਿਹਾ ਕਿ ਓਰਸਟੇਡ ਨੇ ਗਜ਼ਪ੍ਰੋਮ ਐਕਸਪੋਰਟ ਐੱਲ. ਐੱਲ. ਸੀ. ਨੂੰ ਸੂਚਿਤ ਕੀਤਾ ਹੈ ਕਿ ਉਹ ਗੈਸ ਦੀ ਪੇਮੈਂਟ ਰੂਬਲ ਵਿਚ ਨਹੀਂ ਕਰਨ ਵਾਲੀ। ਇਸੇ ਤਰ੍ਹਾਂ ਸ਼ੈੱਲ ਐਨਰਜ਼ੀ ਯੂਰਪ ਲਿਮਟਿਡ ਦਾ ਵੀ ਜਰਮਨੀ ਨੂੰ ਗੈਸ ਸਪਲਾਈ ਲਈ ਰੂਬਲ ਵਿਚ ਪੇਮੈਂਟ ਕਰਨ ਦਾ ਕੋਈ ਇਰਾਦਾ ਨਹੀਂ ਹੈ।

ਰੂਸ ਦੀ ਕੰਪਨੀ ਗਜ਼ਪ੍ਰੋਮ ਐਕਸਪੋਰਟ ਨੇ ਕਿਹਾ ਕਿ ਉਸ ਨੂੰ ਓਰਸਟੇਡ ਅਤੇ ਸ਼ੈੱਲ ਐਨਰਜ਼ੀ ਯੂਰਪ ਤੋਂ ਅਪ੍ਰੈਲ ਗੈਸ ਡਿਲਿਵਰੀ ਲਈ ਪੇਮੈਂਟ ਨਹੀਂ ਮਿਲੀ ਹੈ। ਗਜ਼ਪ੍ਰੋਮ ਐਕਸਪੋਰਟ ਨੇ ਕਿਹਾ ਕਿ ਇਸ ਲਈ ਉਸ ਨੇ ਗੈਸ ਦੀ ਸਪਲਾਈ 1 ਜੂਨ, 2022 ਤੋਂ ਸਸਪੈਂਡ ਕਰਨ ਬਾਰੇ ਓਰਸਟੇਡ ਤੇ ਸ਼ੈੱਲ ਐਨਰਜ਼ੀ ਯੂਰਪ ਲਿਮਟਿਡ ਨੂੰ ਦੱਸ ਦਿੱਤਾ ਹੈ।