ਪੁਤਿਨ ਵਲੋਂ ਬਰਖਾਸਤ ਕੀਤੇ ਗਏ ਰੂਸ ਦੇ ਸਾਬਕਾ ਟਰਾਂਸਪੋਰਟ ਮੰਤਰੀ ਦੀ ਮੌਤ

ਰੂਸ ਦੇ ਰਾਸ਼ਟਰਪਤੀ ਵਾਲਾਦੀਮੀਰ ਪੁਤਿਨ ਵਲੋਂ ਬਰਾਖ਼ਸਤ ਕੀਤੇ ਜਾਣ ਦੇ ਕੁਝ ਹੀ ਘੰਟੇ ਮਗਰੋਂ ਟਰਾਂਸਪੋਰਟ ਮੰਤਰੀ ਰੋਮਨ ਸਟਾਰੋਵੋਇਟ ਵਲੋਂ ਖੁਦਕੁਸ਼ੀ ਕਰ ਲਈ ਗਈ। ਪੁਤਿਨ ਨੇ ਸੋਮਵਾਰ ਸਵੇਰ ਉਨ੍ਹਾਂ ਨੂੰ ਬਰਖਾਸਤ ਕੀਤਾ ਸੀ। ਰੂਸ ਦੀ ਜਾਂਚ ਕਮੇਟੀ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਸਾਬਕਾ ਟ੍ਰਾਂਸਪੋਰਟ ਮੰਤਰੀ ਸਟਾਰੋਵੋਇਟ ਦੀ ਲਾਸ਼ ਕਾਰ ਦੇ ਅੰਦਰ ਮਿਲੀ।

ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਉਨ੍ਹਾਂ ਦੀ ਮੌਤ ਦੇ ਹਾਲਾਤ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਜਾਂਚ ਕਮੇਟੀ ਮੁਤਾਬਕ, ਸਟਾਰੋਵੋਇਟ ਵਲੋਂ ਖੁਦ ਨੂੰ ਗੋਲੀ ਮਾਰੀ ਗਈ। ਮੰਤਰੀ ਬਣਨ ਤੋਂ ਪਹਿਲਾਂ ਸਟਾਰੋਵੋਇਟ-ਕੁਰਸਕ ਖੇਤਰ ਦੇ ਗਵਰਨਰ ਸਨ ਅਤੇ ਯੂਕਰੇਨ ਦੇ ਅਚਾਨਕ ਹਮਲੇ ਤੋਂ ਪਹਿਲਾਂ ਉਨ੍ਹਾਂ ਅਹੁਦਾ ਛੱਡ ਦਿੱਤਾ ਸੀ।

ਰਿਪੋਰਟਸ ਮੁਤਾਬਕ, ਹਵਾਈ ਸਫ਼ਰ ਵਿਚ ਰੁਕਾਵਟਾਂ ਦੀਆਂ ਸ਼ਿਕਾਇਤਾਂ ਮਗਰੋਂ ਉਨ੍ਹਾਂ ਨੂੰ ਬਰਖ਼ਾਸਤ ਕੀਤਾ ਗਿਆ, ਰੂਸ ਦੀ ਏਅਰ ਟ੍ਰਾਂਸਪੋਰਟ ਏਜੰਸੀ ਮੁਤਾਬਕ, ਵੀਕੈਂਡ ਤੋਂ ਸੋਮਵਾਰ ਤੱਕ ਦੇਸ਼ ਵਿਚ 485 ਉਡਾਣਾਂ ਰੱਦ ਹੋਈਆਂ ਅਤੇ 1,900 ਫਲਾਈਟਸ ਵਿਚ ਦੇਰੀ ਸੀ।