ਅਮਰੀਕਾ ਅਤੇ ਚੀਨ ਵਿਚਕਾਰ ਤਣਾਅ ਵਧਣ ਕਾਰਨ S&P/TSX 100 ਅੰਕਾਂ ਤੋਂ ਵੱਧ ਡਿੱਗਿਆ

ਕੈਨੇਡੀਅਨ ਸ਼ੇਅਰ ਬਾਜ਼ਾਰ ਦੇ ਪ੍ਰਮੁੱਖ ਇੰਡੈਕਸ ਨੇ ਅੱਜ ਕਾਰੋਬਾਰ ਦੌਰਾਨ 100 ਤੋਂ ਵੱਧ ਅੰਕ ਦੀ ਗਿਰਾਵਟ ਦਰਜ ਕੀਤੀ, S&P/TSX ਵਿਚ ਇਹ ਕਮਜ਼ੋਰੀ ਅਮਰੀਕੀ ਬਾਜ਼ਾਰਾਂ ਵਿਚ ਗਿਰਾਵਟ ਦੇ ਮੱਦੇਨਜ਼ਰ ਦੇਖਣ ਨੂੰ ਮਿਲੀ, ਦਰਅਸਲ, ਟਰੰਪ ਪ੍ਰਸ਼ਾਸਨ ਟੈਕਸ ਘਟਾਉਣ ਵਾਲੇ ਬਜਟ ਨੂੰ ਅੰਤਿਮ ਰੂਪ ਦੇਣ ਲਈ ਕੰਮ ਕਰ ਰਿਹਾ ਹੈ।

ਨਿਵੇਸ਼ਕਾਂ ਨੂੰ ਚਿੰਤਾ ਹੈ ਕਿ ਇਸ ਕਦਮ ਨਾਲ ਅਮਰੀਕਾ ਦੇ ਘਾਟੇ ਦੀ ਸਥਿਤੀ ਹੋਰ ਵੀ ਖਰਾਬ ਹੋ ਸਕਦੀ ਹੈ। ਉਥੇ ਹੀ, ਅਮਰੀਕਾ ਅਤੇ ਚੀਨ ਵਿਚਕਾਰ ਸੈਮੀਕੰਡਕਟਰ ਨੂੰ ਲੈ ਕੇ ਨਵੇਂ ਤਣਾਅ ਨੇ ਬਾਜ਼ਾਰ ਵਿਚ ਵਿਕਵਾਲੀ ਨੂੰ ਵਧਾਇਆ।

ਕੈਨੇਡਾ ਦਾ ਪ੍ਰਮੁੱਖ ਇੰਡੈਕਸ S&P/TSX ਕਾਰੋਬਾਰ ਦੌਰਾਨ 138.05 ਪੁਆਇੰਟ ਡਿੱਗ ਕੇ 25,917 'ਤੇ ਆ ਗਿਆ, ਉਥੇ ਹੀ, ਨਿਊਯਾਰਕ ਵਿਚ ਡਾਓ ਜੋਨਸ 600 ਤੋਂ ਵੱਧ ਅੰਕ ਦੀ ਗਿਰਾਵਟ ਨਾਲ ਕਾਰੋਬਾਰ ਕਰ ਰਿਹਾ ਸੀ। ਉਥੇ ਹੀ, ਸੋਨੇ ਦੀਆਂ ਕੀਮਤਾਂ 31 ਡਾਲਰ ਦੇ ਵਾਧੇ ਨਾਲ 3,316 ਡਾਲਰ ਪ੍ਰਤੀ ਆਊਂਸ 'ਤੇ ਟ੍ਰੇਡ ਕਰ ਰਹੀਆਂ ਸਨ।