8.09C Vancouver 8.09C VancouverMay 25, 2022 10:05 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਲੋਕਤੰਤਰ 'ਚ ਸ਼ਮੂਲੀਅਤ ਦੌਰਾਨ ਕਨੇਡੀਅਨ ਲੋਕਾਂ ਦੀ ਸੁਰੱਖਿਆ ਲਈ ਕੋਈ ਖਤਰਾ ਨਹੀਂ ਖੜਾ ਹੋਣਾ ਚਾਹੀਦਾ।
ਉਨ੍ਹਾਂ ਕਿਹਾ ਕਿ ਮੰਗਲਵਾਰ ਸ਼ਾਮ ਸਰੀ 'ਚ ਰੱਖੇ ਗਏ ਇੱਕ ਲਿਬਰਲ ਫੰਡਰੇਜਰ ਦੌਰਾਨ ਇਸ ਮੌਕੇ ਸ਼ਾਮਿਲ ਹੋਣ ਪਹੁੰਚੇ ਲੋਕਾਂ ਨੂੰ ਨਸਲੀ ਟਿੱਪਣੀਆਂ ਅਤੇ ਹਿੰਸਾ ਸੰਬੰਧੀ ਧਮਕੀਆਂ ਦਾ ਸਾਹਮਣਾ ਕਰਨਾ ਪਿਆ।
ਟਰੂਡੋ ਦਾ ਕਹਿਣਾ ਹੈ ਕਿ ਸਾਰੀਆਂ ਸਰਕਾਰਾਂ ਨੂੰ ਪੌਲੀਟੀਕਲ ਈਵੈਂਟਸ ਦੌਰਾਨ ਉੱਤੇਜਿਤ ਜਾਂ ਨਫਰਤੀ ਸ਼ਬਦਾਵਲੀ ਵਰਤਣ ਵਾਲੇ ਪ੍ਰਦਰਸ਼ਨਕਾਰੀਆਂ ਦੀ ਵਧਦੀ ਗਿਣਤੀ ਲਈ ਫਿਕਰਮੰਦ ਹੋਣਾ ਚਾਹੀਦਾ ਹੈ।
ਟਰੂਡੋ ਨੇ ਇਸ ਸੰਬੰਧੀ ਜਾਣਕਾਰੀ ਨਹੀਂ ਦਿੱਤੀ ਕਿ ਉਹ ਖੁਦ ਸਰੀ ਦੇ ਈਵੈਂਟ 'ਚ ਸ਼ਾਮਿਲ ਹੋਣ ਕਿਉਂ ਨਹੀਂ ਪਹੁੰਚੇ ਅਤੇ ਇਕੱਤਰਤਾ ਨੂੰ ਵਰਚੁਅਲ ਢੰਗ ਨਾਲ ਸੰਬੋਧਿਤ ਕਿਉਂ ਕੀਤਾ।
ਬੀਤੇ 10 ਮਹੀਨੇ 'ਚ ਇਹ ਘਟੋ-ਘੱਟ ਦੂਜਾ ਮੌਕਾ ਸੀ ਜਦ ਪ੍ਰਦਰਸ਼ਨਾਂ ਵਿਚਾਲੇ ਪ੍ਰਧਾਨ ਮੰਤਰੀ ਟਰੂਡੋ ਕਿਸੇ ਈਵੈਂਟ 'ਚ ਸ਼ਾਮਿਲ ਨਹੀਂ ਹੋਏ।
ਸਰੀ 'ਚ ਲਿਬਰਲ ਫੰਡਰੇਜਰ ਦੇ ਬਾਹਰ ਕੁਝ ਪ੍ਰਦਰਸ਼ਨਕਾਰੀ ਇਕੱਤਰ ਹੋਏ ਸਨ ਜੋ ਮੁੱਖ ਤੌਰ 'ਤੇ ਵੈਕਸੀਨ ਮੈਂਡੇਟ ਪ੍ਰਤੀ ਸਵਾਲ ਚੁੱਕ ਰਹੇ ਸਨ।
ਪ੍ਰਦਰਸ਼ਨਕਾਰੀਆਂ ਦੀ ਗਿਣਤੀ 50 ਤੋਂ 100 ਦੇ ਦਰਮਿਆਨ ਮੰਨੀ ਜਾ ਰਹੀ ਹੈ।
