ਸਸਕੈਚਵਨ ਸਰਕਾਰ ਨੇ ਜੰਗਲੀ ਅੱਗ ਨਾਲ ਨਜਿੱਠਣ ਲਈ ਫੈਡਰਲ ਸਰਕਾਰ ਤੋਂ ਮੰਗੀ ਸਹਾਇਤਾ

ਸਸਕੈਚਵਨ ਸਰਕਾਰ ਨੇ ਜੰਗਲੀ ਅੱਗ ਨਾਲ ਨਜਿੱਠਣ ਲਈ ਫੈਡਰਲ ਸਰਕਾਰ ਤੋਂ ਸਹਾਇਤਾ ਮੰਗੀ ਹੈ, ਇਹ ਉਦੋਂ ਹੈ ਜਦੋਂ ਸੂਬਾ ਆਪਣੇ ਸਭ ਤੋਂ ਖਰਾਬ ਜੰਗਲੀ ਅੱਗ ਦੇ ਮੌਸਮ ਦੇ ਬਾਵਜੂਦ ਫੈਡਰਲ ਸਰਕਾਰ ਤੋਂ ਮਦਦ ਲਈ ਵਾਰ-ਵਾਰ ਇਹ ਕਹਿੰਦੇ ਹੋਏ ਇਨਕਾਰ ਕਰ ਰਿਹਾ ਸੀ ਕਿ ਔਟਵਾ ਦੇ ਸਰੋਤ ਮਦਦਗਾਰ ਨਹੀਂ ਹਨ।

ਸਸਕੈਚਵਨ ਸਰਕਾਰ ਨੇ ਹੁਣ ਮੈਨੀਟੋਬਾ ਦੇ ਨਕਸ਼ੇ ਕਦਮ 'ਤੇ ਚੱਲਦੇ ਹੋਏ ਫੈਡਰਲ ਸਰਕਾਰ ਤੋਂ 300 ਫਾਇਰਫਾਈਟਰਜ਼ ਮੰਗੇ ਹਨ। ਸੂਬੇ ਦੇ ਜਨਤਕ ਸੁਰੱਖਿਆ ਮੰਤਰੀ ਟਿਮ ਮੈਕਲਿਓਡ ਨੇ ਇਸ ਸਬੰਧੀ ਰਸਮੀ ਤੌਰ 'ਤੇ ਆਪਣੇ ਫੈਡਰਲ ਹਮਰੁਤਬਾ ਨੂੰ ਮਦਦ ਲਈ ਪੱਤਰ ਲਿਖਿਆ ਹੈ। ਜੰਗਲ ਦੀ ਅੱਗ ਕਾਰਨ ਇਸ ਸਮੇਂ ਸਸਕੈਚਵਨ ਵਿਚ 11 ਕਮਿਊਨਿਟੀਆਂ- ਨਿਕਾਸੀ ਆਰਡਰ ਦੀ ਚਿਤਾਵਨੀ ਵਿਚ ਹਨ।