29.25C Vancouver 29.25C VancouverSep 12, 2025 4:29 PM - The Canadian Press
ਕਿਊਬੈਕ ਸਰਕਾਰ ਨੇ ਇੱਕ ਵੱਡੇ ਫੈਸਲੇ ਤਹਿਤ ਸੂਬੇ ਦੀਆਂ ਲਗਭਗ ਸਾਰੀਆਂ 1,200 ਲਾਇਨ ਇਲੈਕਟ੍ਰਿਕ ਬੱਸਾਂ ਨੂੰ ਸੜਕਾਂ ਤੋਂ ਹਟਾ ਦਿੱਤਾ ਹੈ, ਜਿਸ ਕਾਰਨ ਸਕੂਲਾਂ ਨੂੰ ਬੱਸ ਸੇਵਾ ਰੱਦ ਕਰਨ ਲਈ ਮਜਬੂਰ ਹੋਣਾ ਪਿਆ ਹੈ।
ਸੂਬਾਈ ਸਰਕਾਰ ਨੇ ਇਹ ਕਦਮ ਮਾਂਟਰੀਅਲ ਵਿਚ ਮੰਗਲਵਾਰ ਸਵੇਰੇ ਇੱਕ ਇੰਟਰਸੈਕਸ਼ਨ ਨੇੜੇ ਇਲੈਕਟ੍ਰਿਕ ਸਕੂਲ ਬੱਸ ਨੂੰ ਅੱਗ ਲੱਗਣ ਮਗਰੋਂ ਸਾਵਧਾਨੀ ਉਪਾਅ ਵਜੋਂ ਉਠਾਇਆ ਹੈ। ਜਦੋਂ ਬੱਸ ਵਿਚ ਅੱਗ ਲੱਗੀ ਉਸ ਸਮੇਂ ਡਰਾਈਵਰ ਅਤੇ 5 ਬੱਚੇ ਇਸ ਵਿਚ ਸਵਾਰ ਸਨ ਪਰ ਕੋਈ ਜ਼ਖਮੀ ਨਹੀਂ ਹੋਇਆ, ਡਰਾਈਵਰ ਨੇ ਬੱਸ ਖੜ੍ਹੀ ਕਰ ਦਿੱਤੀ ਸੀ ਅਤੇ ਬੱਚਿਆਂ ਨੂੰ ਬੱਸ ਤੋਂ ਉਤਾਰ ਦਿੱਤਾ ਸੀ।
ਸਰਕਾਰ ਦੇ ਫੈਸਲੇ ਦੇ ਜਵਾਬ ਵਿਚ ਕੁਝ ਸਕੂਲ ਸਰਵਿਸ ਸੈਂਟਰ ਨੇ ਬੱਸ ਰੂਟਸ ਨੂੰ ਰੱਦ ਕਰਨ ਦਾ ਫੈਸਲਾ ਕੀਤਾ ਅਤੇ ਕੁਝ ਨੇ ਸਕੂਲ ਦਾ ਦਿਨ ਪੂਰੀ ਤਰ੍ਹਾਂ ਰੱਦ ਕਰ ਦਿੱਤਾ। ਕਿਊਬੈਕ ਸਰਕਾਰ ਨੇ ਕਿਹਾ ਕਿ ਉਸ ਨੇ ਬੱਸਾਂ ਨੂੰ ਇਸ ਲਈ ਸੜਕਾਂ ਤੋਂ ਹਟਾਇਆ ਤਾਂ ਜੋ ਵੀਕੈਂਡ 'ਤੇ ਉਨ੍ਹਾਂ ਦੀ ਜਾਂਚ ਕੀਤੀ ਜਾ ਸਕੇ ਕਿਉਂਕਿ ਇਹ ਸੁਝਾਅ ਦਿੱਤਾ ਗਿਆ ਸੀ ਕਿ ਮੰਗਲਵਾਰ ਨੂੰ ਬੱਸ ਵਿਚ ਅੱਗ ਲੱਗਣ ਦੀ ਵਾਪਰੀ ਘਟਨਾ ਦਾ ਕਾਰਨ ਕੋਈ ਖਰਾਬੀ ਹੋ ਸਕਦਾ ਹੈ।
