17.21C Vancouver 17.21C VancouverSep 23, 2025 6:53 PM - The Canadian Press
ਦੱਖਣ-ਪੱਛਮੀ ਐਲਬਰਟਾ ਤੋਂ ਲਾਪਤਾ 5 ਸਾਲਾ ਬੱਚੇ ਦੀ ਭਾਲ ਅੱਜ ਤੀਜੇ ਦਿਨ ਵੀ ਜਾਰੀ ਹੈ। ਡੈਰੀਅਸ ਮੈਕਡੌਗਲ ਦੇ ਲਾਪਤਾ ਹੋਣ ਸਬੰਧੀ ਐਤਵਾਰ ਸਵੇਰੇ ਕਰੀਬ 11.30 ਵਜੇ ਜਾਣਕਾਰੀ ਮਿਲੀ ਸੀ। ਉਸ ਨੂੰ ਆਖਰੀ ਵਾਰ ਐਲਬਰਟਾ ਵਿਚ ਆਈਲੈਂਡ ਲੇਕ ਕੈਂਪਗ੍ਰਾਉਂਡ ਨੇੜੇ ਕਰੌਸਨੈਸਟ ਪਾਸ ਤੋਂ 4 ਕਿਲੋਮੀਟਰ ਦੂਰ ਉਸ ਦੇ ਪਰਿਵਾਰ ਨਾਲ ਦੇਖਿਆ ਗਿਆ ਸੀ।
ਆਰ.ਸੀ.ਐਮ.ਪੀ. ਨੇ ਅੱਜ ਦੱਸਿਆ ਕਿ ਉਹ ਦੋ ਰਾਤਾਂ ਤੋਂ ਬੱਚੇ ਦੀ ਭਾਲ ਕਰ ਰਹੇ ਹਨ। ਔਫੀਸਰਜ਼ ਨੇ ਅਪੀਲ ਕੀਤੀ ਕਿ ਲੋਕ ਪੇਸ਼ੇਵਰ ਨੂੰ ਕੰਮ ਕਰਨ ਦੇਣ ਅਤੇ ਇਸ ਇਲਾਕੇ ਵਿਚ ਨਾ ਆਉਣ। ਡੈਰੀਅਸ ਦਾ ਕੱਦ ਕਰੀਬ 4 ਫੁੱਟ ਹੈ ਅਤੇ ਵਾਲਾਂ ਦਾ ਰੰਗ ਬ੍ਰਾਊਨ ਹੈ। ਉਸ ਨੂੰ ਆਖਰੀ ਵਾਰ ਜਦ ਦੇਖਿਆ ਗਿਆ ਉਸ ਨੇ ਬਲਿਊ/ਗ੍ਰੇਅ ਹੂਡੀ ਅਤੇਸਵੈਟਪੈਂਟ ਪਾਈ ਸੀ। ਬੱਚੇ ਨੂੰ ਔਟਿਜ਼ਮ ਹੈ, ਜਿਸ ਕਾਰਨ ਉਸ ਨੂੰ ਬੋਲਣ ਵਿਚ ਪਰੇਸ਼ਾਨੀ ਹੈ ।
ਉਸ ਦੀ ਭਾਲ ਲਈ ਹੈਲੀਕੌਪਟਰਜ਼, ਬੀ. ਸੀ. ਪੁਲਿਸ ਅਤੇ ਹੋਰ ਜਾਂਚ ਏਜੰਸੀਆਂ ਮਦਦ ਕਰ ਰਹੀਆਂ ਹਨ। ਜੇਕਰ ਕਿਸੇ ਕੋਲ ਬੱਚੇ ਸਬੰਧੀ ਜਾਣਕਾਰੀ ਹੋਵੇ ਤਾਂ ਉਹ ਪੁਲਿਸ ਨਾਲ ਸੰਪਰਕ ਕਰਕੇ ਮਦਦ ਕਰ ਸਕਦਾ ਹੈ।
