13.32C Vancouver 13.32C VancouverMay 16, 2025 11:26 PM -
ਨਨਾਈਮੋ 'ਚ ਇੱਕ ਲਾਪਤਾ ਔਰਤ ਦੀ ਭਾਲ ਕੀਤੀ ਜਾ ਰਹੀ ਹੈ। ਲਾਪਤਾ ਔਰਤ ਦੀ ਉਮਰ 34 ਸਾਲ ਅਤੇ ਉਸ ਦਾ ਨਾਮ ਐਂਬਰ ਨਿਚਮੈਨ ਹੈ।
ਔਰਤ ਦੇ ਲਾਪਤਾ ਹੋਣ ਦਾ ਪਤਾ ਉਸ ਵੇਲੇ ਲੱਗਿਆ, ਜਦ ਉਸ ਦੀ ਕਿਸ਼ਤੀ ਕੰਢੇ 'ਤੇ ਪਹੁੰਚੀ ਪਰ ਕਿਸ਼ਤੀ ਵਿੱਚ ਐਂਬਰ ਮੌਜੂਦ ਨਹੀਂ ਸੀ।
ਕੰਢੇ 'ਤੇ ਪਹੁੰਚੀ 10 ਮੀਟਰ ਲੰਬਾਈ ਵਾਲੀ ਕਿਸ਼ਤੀ ਦੀ ਐਂਬਰ ਨਿਚਮੈਨ ਰਿਜਿਸਟਰਡ ਮਾਲਿਕ ਹੈ।
ਇਹ ਕਿਸ਼ਤੀ ਨਨਾਈਮੋ ਦੇ ਪਾਣੀ 'ਚ ਬੇਸ਼ੋਰ ਡਰਾਈਵ ਅਤੇ ਹੈਮੰਡ ਬੇਅ ਰੋਡ ਕੋਲ ਵਿਖਾਈ ਦਿੱਤੀ ਸੀ।
ਨਨਾਈਮੋ ਸਰਚ ਐਂਡ ਰੈਸਕਿਊ, ਜਾਇੰਟ ਰੈਸਕਿਊ ਕੋਆਰਡੀਨੇਸ਼ਨ ਸੈਂਟਰ, ਕੋਸਟ ਗਾਰਡ ਅਤੇ ਨਨਾਈਮੋ ਆਰ.ਸੀ.ਐਮ.ਪੀ. ਵੱਲੋਂ ਔਰਤ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ। ਪੁਲਿਸ ਨੇ ਔਰਤ ਅਤੇ ਉਸ ਦੀ ਕਿਸ਼ਤੀ ਦੀਆਂ ਤਸਵੀਰਾਂ ਵੀ ਜਾਰੀ ਕੀਤੀਆਂ ਹਨ ਤਾਂ ਜੋ ਕਿਸੇ ਨੂੰ ਜਾਣਕਾਰੀ ਹੋਵੇ ਤਾਂ ਸਾਂਝੀ ਕੀਤੀ ਜਾ ਸਕੇ।
