16.49C Vancouver 16.49C VancouverSep 16, 2022 10:27 PM - Connect News
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਲੋਕਾਂ ਨੂੰ ਡਰੱਗ ਟ੍ਰੈਫਿਕਿੰਗ ਸੰਬੰਧੀ ਸਿਟੀ ਸੈਂਟਰ ਇਲਾਕੇ 'ਚ ਜਾਰੀ ਐਨਫੋਰਸਮੈਂਟ ਐਕਸ਼ਨ ਬਾਰੇ ਜਾਣਕਾਰੀ ਪ੍ਰਦਾਨ ਕੀਤੀ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ 30 ਅਗਸਤ ਨੂੰ ਸਰੀ ਆਰ.ਸੀ.ਐਮ.ਪੀ. ਦੀ ਡਰੱਗ ਯੂਨਿਟ ਨੇ ਸਿਟੀ ਪਾਰਕਵੇ ਦੇ 10200 ਬਲੌਕ 'ਚ ਇੱਕ ਕੰਵੀਨੀਐਂਸ ਸਟੋਰ 'ਤੇ ਤਲਾਸ਼ੀ ਵਾਰੰਟ ਨੂੰ ਅੰਜਾਮ ਦਿੱਤਾ ਸੀ।
ਜਾਂਚ ਦੌਰਾਨ ਪੁਲਿਸ ਨੂੰ ਸ਼ੱਕ ਹੋਇਆ ਸੀ ਕਿ ਇਸ ਸਟੋਰ ਦੀ ਵਰਤੋਂ ਇਲਾਕੇ 'ਚ ਡਰੱਗ ਤਸਕਰੀ ਲਈ ਕੀਤੀ ਜਾ ਰਹੀ ਹੈ।
ਪੁਲਿਸ ਨੇ ਦੱਸਿਆ ਕਿ ਤਲਾਸ਼ੀ ਦੌਰਾਨ 203 ਗਰਾਮ ਪ੍ਰੀ-ਪੈਕੇਜਡ ਫੈਂਟਾਨਿਲ ਬਰਾਮਦ ਹੋਈ।
ਇਸ ਤੋਂ ਇਲਾਵਾ 38 ਗਰਾਮ ਮੈਥਮਫਿਟਾਮੀਨ, 17 ਗਰਾਮ ਕੋਕੇਨ, 300 ਹਾਈਡ੍ਰੋਮੌਰਫੋਨ ਪਿਲਸ ਅਤੇ 278 ਗਰਾਮ ਮੈਰੁਆਨਾ ਬਰਾਮਦ ਹੋਇਆ।
ਪੁਲਿਸ ਨੇ ਦੱਸਿਆ ਕਿ ਮੌਕੇ ਤੋਂ ਕਰੀਬ $150,000 ਕੈਸ਼ ਵੀ ਬਰਾਮਦ ਹੋਇਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ 'ਚ ਜਾਂਚ ਜਾਰੀ ਹੈ ਅਤੇ 4 ਲੋਕਾਂ ਖਿਅਫ਼ ਦੋਸ਼ ਰੈਕਮੈਂਡ ਕੀਤੇ ਜਾ ਸਕਦੇ ਹਨ।
ਕਾਂਸਟੇਬਲ ਸਰਬਜੀਤ ਸੰਘਾ ਦਾ ਕਹਿਣਾ ਸੀ ਕਿ ਸਿਰਫ ਫੈਂਟਾਨਿਲ ਦੀ ਬਰਾਮਦਗੀ ਨਾਲ ਹੀ ਕਰੀਬ 2,000 ਜਾਨਲੇਵਾ ਸਾਬਿਤ ਹੋ ਸਕਦੀਆਂ ਖੁਰਾਕਾਂ ਨੂੰ ਸਟ੍ਰੀਟ ਤਕ ਪਹੁੰਚਣ ਤੋਂ ਬਚਾਅ ਹੋ ਗਿਆ।
