12.27C Vancouver 12.27C VancouverJul 6, 2021 8:27 PM -
ਮਾਇਆਮੀ 'ਚ ਢਹਿ-ਢੇਰੀ ਹੋਈ ਇਮਾਰਤ 'ਚ ਇੱਕ ਕਨੇਡੀਅਨ ਵਿਅਕਤੀ ਦਾ ਮ੍ਰਿਤ ਸ਼ਰੀਰ ਮਿਲਿਆ ਹੈ।
ਗਲੋਬਲ ਅਫੇਅਰਸ ਕੈਨੇਡਾ ਦੇ ਇੱਕ ਬੁਲਾਰੇ ਨੇ ਵੀ ਇਸ ਦੀ ਪੁਸ਼ਟੀ ਕੀਤੀ ਹੈ।
ਹਾਲਾਂਕਿ ਫਿਲਹਾਲ 3 ਹੋਰ ਕਨੇਡੀਅਨਸ ਦਾ ਕੁਝ ਪਤਾ ਲੱਗਣਾ ਬਾਕੀ ਹੈ।
ਇਸ ਘਟਨਾ 'ਚ ਕੈਨੇਡਾ ਦੇ 3 ਪਰਿਵਾਰਾਂ ਦੇ 4 ਲੋਕ ਸ਼ਾਮਿਲ ਸਨ।
ਇਸ ਘਟਨਾ 'ਚ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 32 ਤਕ ਪਹੁੰਚ ਗਈ ਹੈ।
ਮਾਇਆਮੀ 'ਚ ਇੱਕ ਕੌਂਡੋ ਇਮਾਰਤ ਦੇ ਡਿੱਗਣ ਦੀ ਘਟਨਾ 'ਚ 113 ਦੇ ਕਰੀਬ ਲੋਕਾਂ ਦਾ ਹੁਣ ਤਕ ਕੁਝ ਪਤਾ ਨਹੀਂ ਲੱਗਿਆ ਹੈ।
24 ਜੂਨ ਨੂੰ ਵਾਪਰੀ ਇਸ ਘਟਨਾ 'ਚ ਹੁਣ ਤਕ ਕੋਈ ਵਿਅਕਤੀ ਜੀਵਤ ਨਹੀਂ ਮਿਲਿਆ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਤਲਾਸ਼ ਅਭਿਆਨ ਰੋਕਿਆ ਨਹੀਂ ਜਾਵੇਗਾ ਅਤੇ ਹੁਣ ਵੀ ਲੋਕਾਂ ਦੇ ਜਿਉਂਦਿਆਂ ਮਿਲਣ ਦੀ ਆਸ ਮੁੱਕੀ ਨਹੀਂ ਹੈ।
ਮਾਇਆਮੀ ਡੇਡ ਕਾਉਂਟੀ ਦੀ ਮੇਅਰ ਡੈਨੀਐਲਾ ਲਵਾਈਨ ਕਾਵਾ ਨੇ ਪੀੜਤਾਂ ਦੀ ਜਾਣਕਾਰੀ ਦਿੱਤੀ ਹੈ।
ਯਾਦ ਰਹੇ ਐਤਵਾਰ ਨੂੰ ਇਸ ਕੌਂਡੋ ਇਮਾਰਤ ਦਾ ਰਹਿੰਦਾ ਹਿੱਸਾ ਵੀ ਢਹਿ-ਢੇਰੀ ਕਰ ਦਿੱਤਾ ਗਿਆ ਸੀ।
