32.15C Vancouver 32.15C VancouverJul 25, 2025 6:01 PM - Connect Newsroom
ਵਿਲੀਅਮਜ਼ ਲੇਕ ਵਿਚ ਇੱਕ ਡਰਾਈਵਰ ਨੂੰ ਸੀਟ ਬੈਲਟ ਨਾ ਲਗਾਉਣ ਕਾਰਨ ਗੱਡੀ ਜ਼ਬਤ ਹੋਣ ਅਤੇ ਸਿਰ ਵਿਚ ਸੱਟ ਲੱਗਣ ਨਾਲ ਟਾਂਕੇ ਲਗਵਾਉਣ ਦਾ ਸਾਹਮਣਾ ਕਰਨਾ ਪਿਆ ਹੈ।
ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਕਿਹਾ ਕਿ ਮਾਮਲਾ 20 ਜੁਲਾਈ ਦਾ ਹੈ, ਦੁਪਹਿਰ ਬਾਅਦ ਕਰੀਬ 3.30 ਵਜੇ ਮੈਕੇਂਜੀ ਐਵੇਨਿਊ ਸਾਊਥ 'ਤੇ ਵਾਈਟ ਫੋਰਡ F250 ਅਤੇ ਗ੍ਰੇਅ ਟੋਇਟਾ ਕੈਮਰੀ ਦੇ ਡਰਾਈਵਰ ਬਿਨਾਂ ਸੀਟ ਬੈਲਟ ਦੇ ਗੱਡੀ ਚਲਾ ਰਹੇ ਸਨ। ਜਦੋਂ ਅਧਿਕਾਰੀ ਨੇ ਉਨ੍ਹਾਂ ਨੂੰ ਰੋਕਣ ਲਈ ਮੁੜ ਕੇ ਦੇਖਿਆ ਤਾਂ ਟੋਇਟਾ ਕੈਮਰੀ-ਫੋਰਡ F250 ਦੇ ਪਿੱਛੇ ਟਕਰਾ ਗਈ, ਇਸ ਦੌਰਾਨ ਕੈਮਰੀ ਦੇ ਡਰਾਈਵਰ ਦਾ ਸਿਰ ਆਪਣੀ ਹੀ ਗੱਡੀ ਦੇ ਵਿੰਡਸ਼ੀਲਡ ਨਾਲ ਵੱਜਾ, ਜਿਸ ਨਾਲ ਉਸ ਦੇ ਸਿਰ ਵਿਚੋਂ ਖੂਨ ਵਹਿ ਰਿਹਾ ਸੀ।
ਬੀ.ਸੀ. ਹਾਈਵੇਅ ਪੈਟਰੋਲ ਮੁਤਾਬਕ, 28 ਸਾਲਾ ਡਰਾਈਵਰ ਨੇ ਸੀਟ ਬੈਲਟ ਨਹੀਂ ਲਗਾਈ ਹੋਈ ਸੀ ਅਤੇ ਨਸ਼ੇ ਵਿਚ ਵੀ ਸੀ। ਸੀਟ ਬੈਲਟ ਲਈ ਉਸ ਨੂੰ $167 ਅਤੇ ਲਾਪਰਵਾਹੀ ਨਾਲ ਗੱਡੀ ਚਲਾਉਣ ਲਈ $368 ਦਾ ਜੁਰਮਾਨਾ ਲੱਗਾ, ਨਾਲ ਹੀ ਗੱਡੀ ਚਲਾਉਣ ਦੀ ਮਨਾਹੀ ਦਾ ਨੋਟਿਸ ਵੀ ਜਾਰੀ ਕੀਤਾ ਗਿਆ, ਉਥੇ ਹੀ ਫੋਰਡ F250 ਚਲਾ ਰਹੀ 19 ਸਾਲ ਲੜਕੀ ਦਾ ਸੀਟ ਬੈਲਟ ਨਾ ਪਾਉਣ ਦਾ ਚਲਾਨ ਕੀਤਾ ਗਿਆ, ਇਹ ਸਾਰੀ ਘਟਨਾ ਪੁਲਿਸ ਦੀ ਵੀਡੀਓ ਵਿਚ ਕੈਦ ਹੋਈ ਹੈ।
