15.43C Vancouver 15.43C VancouverMar 3, 2022 9:23 PM - The Canadian Press
ਯੂਕਰੇਨ ਦਾ ਕਹਿਣਾ ਹੈ ਕਿ ਰੂਸ ਨਾਲ ਹੋਈ ਦੂਜੇ ਦੌਰ ਦੀ ਗੱਲਬਾਤ ਦੌਰਾਨ ਕੁਝ ਚੰਗੇ ਨਤੀਜੇ ਨਿਕਲੇ ਹਨ।
ਯੂਕਰੇਨ ਦਾ ਕਹਿਣਾ ਹੈ ਕਿ ਇੱਕ ਅਸਥਾਈ ਕਰਾਰ ਹੋ ਗਿਆ ਹੈ ਜਿਸ ਆਸਰੇ ਦੇਸ਼ ਵਿਚਾਲੇ ਆਮ ਲੋਕਾਂ ਲਈ ਸੁਰੱਖਿਅਤ ਕੌਰੀਡੋਰ ਸਥਾਪਿਤ ਕਰਨ 'ਤੇ ਸਹਿਮਤੀ ਜਾਹਿਰ ਕੀਤੀ ਗਈ ਹੈ।
ਇਸ ਦੇ ਨਾਲ ਹੀ ਆਮ ਲੋਕਾਂ ਲਈ ਹਿਊਮੈਨੀਟੇਰੀਅਨ ਮਦਦ ਪਹੁੰਚਾਏ ਜਾਣ ਨੂੰ ਮਨਜੂਰ ਕਰ ਲਿਆ ਗਿਆ ਹੈ।
ਯੂਕਰੇਨ ਦੇ ਦੱਖਣ 'ਚ ਰੂਸ ਦੀਆਂ ਫੌਜਾਂ ਵੱਲੋਂ ਇੱਕ ਅਹਿਮ ਐਨਰਜੀ-ਉਤਪਾਦਕ ਸ਼ਹਿਰ 'ਤੇ ਕਾਬੂ ਕਰਨ ਦੀਆਂ ਕੋਸ਼ਿਸ਼ਾਂ ਵਿਚਾਲੇ ਇਹ ਖਬਰ ਸਾਹਮਣੇ ਆਈ ਹੈ।
ਸਮੁੰਦਰੀ ਪੋਰਟਸ 'ਤੇ ਹਮਲੇ ਕਰ ਯੂਕਰੇਨ ਦਾ ਸਮੁੰਦਰ ਨਾਲ ਸੰਪਰਕ ਤੋੜਨ ਦੀ ਕੋਸ਼ਿਸ਼ ਵੀ ਜਾਰੀ ਹੈ।
ਯਾਦ ਰਹੇ ਯੂਕਰੇਨ ਦੇ ਲੀਡਰਾਂ ਨੇ ਲੋਕਾਂ ਨੂੰ ਖੜੇ ਹੋਣ ਦੀ ਅਪੀਲ ਕੀਤੀ ਹੈ ਅਤੇ ਹਮਲਾਵਰਾਂ ਖਿਲਾਫ ਗੁਰਿੱਲਾ ਯੁੱਧ ਲੜਨ ਲਈ ਉਤਸ਼ਾਹਤ ਕੀਤਾ ਹੈ।
