ਸਰੀ ਦੇ ਸਾਊਥ ਨਿਊਟਨ ਇਲਾਕੇ ਵਿੱਚ ਇਕੋ ਘਰ 'ਤੇ ਦੂਜੀ ਵਾਰ ਫਾਇਰਿੰਗ, ਕੀਤੀ ਜਾ ਰਹੀ ਜਾਂਚ

ਸਰੀ ਵਿਚ ਸਾਊਥ ਨਿਊਟਨ ਦੇ ਇੱਕ ਘਰ 'ਤੇ ਐਕਸਟੋਸ਼ਨ ਲਈ ਦੂਜੀ ਵਾਰ ਸ਼ੂਟਿੰਗ ਦੀ ਵਾਰਦਾਤ ਹੋਈ ਹੈ। ਪੁਲਿਸ ਮੁਤਾਬਕ, ਇਹ ਘਟਨਾ ਅੱਜ ਸਵੇਰੇ ਕਰੀਬ 4:02 ਵਜੇ 57 ਐਵੇਨਿਊ ਅਤੇ 148 ਸਟ੍ਰੀਟ ਦੇ ਨੇੜੇ ਵਾਪਰੀ। ਜਦੋਂ ਐਸ.ਪੀ.ਐਸ. ਦੇ ਫਰੰਟਲਾਈਨ ਔਫੀਸਰ ਮੌਕੇ 'ਤੇ ਪਹੁੰਚੇ ਤਾਂ ਉੱਥੇ ਗੋਲੀਆਂ ਚੱਲਣ ਦੇ ਪੁਖ਼ਤਾ ਸਬੂਤ ਮਿਲੇ।

ਖ਼ੁਸ਼ਕਿਸਮਤੀ ਰਹੀ ਕਿ ਫਾਇਰਿੰਗ ਦੇ ਵਕਤ ਘਰ ਦੇ ਅੰਦਰ ਲੋਕ ਮੌਜੂਦ ਹੋਣ ਦੇ ਬਾਵਜੂਦ ਕੋਈ ਵੀ ਜਾਨੀ ਨੁਕਸਾਨ ਨਹੀਂ ਹੋਇਆ ਅਤੇ ਸਾਰੇ ਸੁਰੱਖਿਅਤ ਹਨ। ਹਾਲਾਂਕਿ, ਇਹ ਜਾਂਚ ਅਜੇ ਸ਼ੁਰੂਆਤੀ ਦੌਰ ਵਿਚ ਹੈ ਪਰ ਪੁਲਿਸ ਨੂੰ ਖ਼ਦਸ਼ਾ ਹੈ ਕਿ ਇਹ ਮਾਮਲਾ ਜਬਰਨ ਵਸੂਲੀ ਨਾਲ ਜੁੜਿਆ ਹੋਇਆ ਹੈ। ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ 20 ਮਈ ਨੂੰ ਇਸ ਘਰ 'ਤੇ ਫਾਇਰਿੰਗ ਹੋਣ ਦੀ ਘਟਨਾ ਸਾਹਮਣੇ ਆਈ ਸੀ।

ਇਸ ਗੰਭੀਰ ਮਾਮਲੇ ਦੀ ਅਗਵਾਈ ਹੁਣ ਐੱਸ.ਪੀ.ਐਸ. ਦੀ ਐਕਸਟੋਸ਼ਨ ਰਿਸਪਾਂਸ ਟੀਮ ਵੱਲੋਂ ਸੰਭਾਲੀ ਗਈ ਹੈ ਅਤੇ Integrated Forensic Identification Services ਦੀਆਂ ਟੀਮਾਂ ਇਲਾਕੇ ਵਿਚੋਂ ਡਿਜੀਟਲ ਅਤੇ ਹੋਰ ਸਬੂਤ ਇਕੱਠੇ ਕਰ ਰਹੀਆਂ ਹਨ।