14.8C Vancouver 14.8C VancouverJul 3, 2025 1:39 PM - The Canadian Press
ਬੈਂਫ ਨੈਸ਼ਨਲ ਪਾਰਕ ਦਾ ਇੱਕ ਹਿੱਸਾ ਚੱਟਾਨ ਡਿੱਗਣ ਦੇ 2 ਹਫ਼ਤਿਆਂ ਬਾਅਦ ਵੀ ਸੈਲਾਨੀਆਂ ਲਈ ਬੰਦ ਹੈ।ਪਾਰਕਸ ਕੈਨੇਡਾ ਦੇ ਬੁਲਾਰੇ ਐਮੀ ਕਰੌਸ ਨੇ ਕਿਹਾ ਹੈ ਕਿ ਬੋਅ ਗਲੇਸ਼ੀਅਰ ਫਾਲਸ ਦੇ ਆਲੇ-ਦੁਆਲੇ ਦਾ ਇੱਕ ਹਿੱਸਾ ਭੂ-ਤਕਨੀਕੀ ਮੁਲਾਂਕਣ ਲਈ ਬੰਦ ਰੱਖਿਆ ਗਿਆ ਹੈ ਅਤੇ ਇਸ ਦੇ ਦੁਬਾਰਾ ਖੁੱਲ੍ਹਣ ਦੀ ਅਜੇ ਕੋਈ ਤੈਅ ਸੀਮਾ ਨਹੀਂ ਹੈ।
ਉਨ੍ਹਾਂ ਨੇ ਕਿਹਾ ਕਿ ਕਿਸੇ ਵੱਲੋਂ ਵੀ ਪਾਰਕਸ ਕੈਨੇਡਾ ਦੇ ਇਸ ਬੰਦ ਦੇ ਆਦੇਸ਼ ਦੀ ਉਲੰਘਣਾ ਨਹੀਂ ਕੀਤੀ ਗਈ ਹੈ ਪਰ ਜੇ ਕੋਈ ਅਜਿਹਾ ਕਰਦਾ ਹੈ ਤਾਂ ਉਸ ਨੂੰ ਟਿਕਟ ਦਿੱਤੀ ਜਾ ਸਕਦੀ ਹੈ ਜਾਂ ਗ੍ਰਿਫਤਾਰ ਵੀ ਕੀਤਾ ਜਾ ਸਕਦਾ ਹੈ।
ਏਜੰਸੀ ਮੁਤਾਬਕ ਇਸ ਉਲੰਘਣਾ ਦੇ ਜੁਰਮਾਨੇ ਵਜੋਂ ਦੋਸ਼ੀ ਤੋਂ 25000 ਡਾਲਰ ਵਸੂਲਿਆ ਜਾ ਸਕਦਾ ਹੈ। ਗੌਰਤਲਬ ਹੈ ਕਿ ਬੈਂਫ ਨੈਸ਼ਨਲ ਪਾਰਕ ਦਾ ਇਹ ਹਿੱਸਾ 19 ਜੂਨ ਤੋਂ ਚੱਟਾਨ ਡਿੱਗਣ ਕਾਰਨ ਬੰਦ ਹੈ। ਇਸ ਘਟਨਾ ਵਿੱਚ ਦੋ ਹਾਈਕਰ ਮਾਰੇ ਗਏ ਸਨ ਤੇ ਤਿੰਨ ਜ਼ਖ਼ਮੀ ਹੋ ਗਏ ਸਨ।
