16.83C Vancouver 16.83C VancouverJun 26, 2025 5:41 PM - The Canadian Press
ਕੈਨੇਡੀਅਨ ਪਾਰਲੀਮੈਂਟ ਦੇ ਅੱਪਰ ਹਾਊਸ ਯਾਨੀ ਸੈਨੇਟ ਵਲੋਂ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੇ ਵਿਵਾਦਪੂਰਨ ਬਿੱਲ ਸੀ-5 ਨੂੰ ਜਲਦ ਹਰੀ ਝੰਡੀ ਦਿੱਤੀ ਜਾ ਸਕਦੀ ਹੈ। ਇਹ ਬਿੱਲ ਫੈਡਰਲ ਸਰਕਾਰ ਨੂੰ ਖਾਨਾਂ, ਬੰਦਰਗਾਹਾਂ ਅਤੇ ਪਾਈਪਲਾਈਨਾਂ ਵਰਗੇ ਵੱਡੇ ਪ੍ਰੋਜੈਕਟਾਂ ਨੂੰ ਬਿਨਾਂ ਕਿਸੇ ਹੋਰ ਕਾਨੂੰਨੀ ਰੁਕਾਵਟ ਦੇ ਜਲਦ ਸ਼ੁਰੂ ਕਰਨ ਦੀ ਮਨਜ਼ੂਰੀ ਦੇਣ ਦੀ ਇਜਾਜ਼ਤ ਦਿੰਦਾ ਹੈ।
ਸਰਕਾਰ ਦਾ ਕਹਿਣਾ ਹੈ ਕਿ ਇਨ੍ਹਾਂ ਪ੍ਰੋਜੈਕਟਸ ਨਾਲ ਕੈਨੇਡਾ ਦੀ ਅਰਥਵਿਵਸਥਾ ਨੂੰ ਮਜ਼ਬੂਤੀ ਮਿਲੇਗੀ। ਇਹ ਬਿੱਲ ਕੰਜ਼ਰਵੇਟਿਵ ਦੇ ਸਮਰਥਨ ਨਾਲ ਹਾਊਸ ਆਫ ਕਾਮਨਜ਼ ਵਿਚ ਤੇਜ਼ੀ ਨਾਲ ਪਾਸ ਹੋਇਆ ਸੀ, ਮੌਜੂਦਾ ਸਮੇਂ ਇਹ ਸੈਨੇਟ ਵਿਚ ਹੈ, ਇਸ 'ਤੇ ਕੱਲ੍ਹ ਤੱਕ ਵੋਟਿੰਗ ਹੋਣੀ ਹੈ। ਬਿੱਲ ਸੀ-5 ਨਾਲ ਮਿਲਣ ਵਾਲੀਆਂ ਨਵੀਆਂ ਸ਼ਕਤੀਆਂ ਕਾਰਨ ਸਰਕਾਰ ਨੂੰ ਭਾਰੀ ਵਿਰੋਧ ਦਾ ਸਾਹਮਣਾ ਕਰਨਾ ਪਿਆ ਹੈ।
ਓਧਰ, ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦਾ ਕਹਿਣਾ ਹੈ ਕਿ ਅਮਰੀਕਾ ਨਾਲ ਵਪਾਰ ਯੁੱਧ ਕਾਰਨ ਪੈਦਾ ਹੋਏ ਆਰਥਿਕ ਸੰਕਟ ਦੇ ਮੱਦੇਨਜ਼ਰ ਰਾਸ਼ਟਰ-ਨਿਰਮਾਣ ਪ੍ਰੋਜੈਕਟਸ ਨੂੰ ਤੇਜ਼ੀ ਨਾਲ ਅੱਗੇ ਵਧਾਉਣ ਲਈ ਬਿੱਲ ਜ਼ਰੂਰੀ ਹੈ।
