16.83C Vancouver 16.83C VancouverJun 27, 2025 1:01 PM - The Canadian Press
ਕੈਨੇਡਾ ਵਿਚ ਅੰਦਰੂਨੀ ਵਪਾਰ ਰੁਕਾਵਟਾਂ ਨੂੰ ਖਤਮ ਕਰਨ ਦਾ ਰਸਤਾ ਸਾਫ ਹੋ ਗਿਆ ਹੈ,ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੇ ਬਿੱਲ ਸੀ-5 ਨੂੰ ਸ਼ਾਹੀ ਮਨਜ਼ੂਰੀ ਮਿਲੀ ਗਈ ਹੈ,ਜਿਸ ਨਾਲ ਇਹ ਕਾਨੂੰਨ ਦੇ ਰੂਪ ਵਿਚ ਆ ਚੁੱਕਾ ਹੈ। ਪੀ.ਐੱਮ.ਨੇ ਬਿਆਨ ਵਿਚ ਕਿਹਾ ਕਿ ਬਿੱਲ ਸੀ-5 ਦੇ ਕਾਨੂੰਨ ਬਣਨ ਦੇ ਨਾਲ ਅਸੀਂ ਸਵਦੇਸ਼ੀ ਲੋਕਾਂ ਦੇ ਸਹਿਯੋਗ ਨਾਲ ਵਪਾਰਕ ਰੁਕਾਵਟਾਂ ਨੂੰ ਦੂਰ ਕਰ ਰਹੇ ਹਾਂ ਅਤੇ ਕੈਨੇਡਾ ਨੂੰ ਜੀ-7 ਵਿਚ ਸਭ ਤੋਂ ਮਜ਼ਬੂਤ ਅਰਥਵਿਵਸਥਾ ਬਣਾਵਾਂਗੇ।
ਬਿੱਲ ਸੀ-5 ਯਾਨੀ ਇਕ ਕੈਨੇਡੀਅਨ ਆਰਥਿਕਤਾ ਐਕਟ ਦੇ ਦੋ ਹਿੱਸੇ ਹਨ,ਜਿਸ ਵਿਚ ਕੈਨੇਡਾ ਦੇ ਰਾਜਾਂ ਵਿਚਕਾਰ ਵਪਾਰਕ ਰੁਕਾਟਵਾਂ ਨੂੰ ਸਮਾਪਤ ਕਰਨਾ ਅਤੇ ਬਿਨਾਂ ਕਿਸੇ ਹੋਰ ਕਾਨੂੰਨੀ ਅੜਚਨ ਦੇ ਖਾਨਾਂ,ਬੰਦਰਗਾਹਾਂ ਤੇ ਪਾਈਪਲਾਈਨ ਵਰਗੇ ਵੱਡੇ ਪ੍ਰਾਜੈਕਟ ਨੂੰ ਕੈਬਨਿਟ ਤੋਂ ਮਨਜ਼ੂਰੀ ਦੇਣਾ ਹੈ। ਅੰਤਰ-ਸਰਕਾਰੀ ਮਾਮਲਿਆਂ ਦੇ ਮੰਤਰੀ ਡੋਮਿਨਿਕ ਲੇਬਲੈਂਕ ਨੇ ਕਿਹਾ ਕਿ ਬਿੱਲ ਸੀ-5 ਆਰਥਿਕ ਵਿਕਾਸ ਨੂੰ ਅੱਗੇ ਵਧਾਉਣ ਦੀ ਸਾਡੀ ਵਚਨਬੱਧਤਾ ਵਿਚ ਇੱਕ ਮਹੱਤਵਪੂਰਨ ਕਦਮ ਹੈ,ਜਿਸ ਨਾਲ ਹਰ ਕੈਨੇਡੀਅਨਾਂ ਨੂੰ ਫਾਇਦਾ ਹੋਵੇਗਾ।
ਉਨ੍ਹਾਂ ਕਿਹਾ ਕਿ ਇਹ ਵੱਡੇ ਰਾਸ਼ਟਰ-ਨਿਰਮਾਣ ਪ੍ਰੋਜੈਕਟਸ ਵਿਚ ਨਿਵੇਸ਼ ਆਕਰਸ਼ਿਤ ਕਰਨ ਵਿਚ ਮਦਦ ਕਰੇਗਾ,ਜਿਸ ਨਾਲ ਚੰਗੀਆਂ ਤਨਖਾਹ ਵਾਲੀਆਂ ਨੌਕਰੀਆਂ ਪੈਦਾ ਹੋਣਗੀਆਂ ਅਤੇ ਅਮਰੀਕਾ 'ਤੇ ਸਾਡੀ ਨਿਰਭਰਤਾ ਨੂੰ ਘੱਟ ਹੋਵੇਗੀ। ਇਹ ਬਿੱਲ ਮਜ਼ਦੂਰ ਗਤੀਸ਼ੀਲਤਾ ਵਿਚ ਰੁਕਾਟਵਾਂ ਨੂੰ ਵੀ ਦੂਰ ਕਰਦਾ ਹੈ।
